Теизм
Не поплетьте з Деизм.
Теизм, од гр. θεός Бог — религийный свѣтонагляд, выходячый зоз идеи абсолутного бытя яко безконечной божественной особности, трансцендентной свѣту, сотворившой го в слободном актѣ воли и одтогды диспонуючой ним. В ортодоксном христианствѣ Бог розумѣе ся яко «триединство» такых особностей (Свята Тройця).[1]
Одношѣня ку иншым концепциям
[едітовати | едітовати жрідло]Трансцендентность ся представлять тым, же Бог, яко сотворитель вшиткого, одличуе ся од вшиткого. Тым ся теизм протиставлять пантеизму, котрый тотожнить Бога и свѣт. Дале, представов о тырваючой активности Бога во свѣтѣ теизм протиставлять ся деизму, котрый не вызнавать тырваючу роль Бога, а з тым ани Боже провиджѣня, ани чудо.[1]
Теизм ся вывинув в границях трьох генетично звязаных религий — юдаизма, христианства тай ислама.[1]
Вѣров во Бога творця теизм ся одличуе од атеизма, котрый не вызнавать сотворѣня свѣта Богом.
Жерела и одказы
[едітовати | едітовати жрідло]- Аверинцев С. С. (2010). Теизм (по русскы). //Новая философская энциклопедия в четырех томах. Том 4 Т – Я. Москва: Мысль. ISBN 978-2-244-01119-7.
- Аверинцев С. С.. Теизм (по русскы). Электронная библиотека ИФ РАН. https://iphlib.ru/library/collection/newphilenc/document/HASH01169b48a469a83c6b8d4d16. [перевірено 2019-06-06].
