روٹی
 توے اُتے روٹی | |
| قِسم | فلیٹ بریڈ |
|---|---|
| اصلی وطن | جنوبی ایشیا |
| موجد | انڈس تہذیب |
| بنیادی اجزاء | کݨک دا آٹا |
| تغیرات | چپاتی، باجرے دی روٹی، جوار دی روٹی، چوݪاں دی روٹی، مکی دی روٹی، منڈا روٹی، تندوری روٹی، پروٹھا |
 Cookbook: روٹی  Media: روٹی | |
روٹی (Roti) آٹے نوں گُنھ کے توی یا توے اُتے پکائی جاندی اے تے بعض اوقات کھاݨے دا سوڈا شامل کرکے میدے ناݪ پکائی جاندی اے۔ پکݨ اُتے ایہ موٹی تے بھربھری ہو جاندی اے تے عام طور تے کݨک، چوݪ، جؤ، جوار یا جوی دے داݨیاں نوں پیس کے بݨائے گئے آٹے ناݪ تیار کیتی جاندی اے۔
تریخ
[سودھو]اج کل دنیا دے تقریبن سَبھ مُلکاں وچ روٹی یا ڈبل روٹی دا استعمال ہو رہیا اے۔ لیکن جدید دور دی پسندیدہ ڈبل روٹی صدیاں پہلے توں وجود وچ اے۔ کہیا جاندا اے کہ 3000 سال پہلاں مصر وچ ڈبل روٹی دی شروعات ہوئی سی۔ اوتھے دے لوک گُنھے ہوئے آٹے وچ گھیو تے کھاݨے دا سوڈا مِݪے پیڑے نوں بھٹھی وچ پکاؤندے سی۔ اسے طرحاں روٹی بݨاؤݨ دے نمونے مصر دے مقبریاں وچ وی مِݪدے نیں۔ الگ الگ مُلکاں وچ الگ الگ مواد ناݪ روٹی تیار کیتی جاندی اے۔ کِتے نمک مِݪے آٹے یا میدے ناݪ، تاں کِتے آلو، چوݪ مݪا کے ایہنوں مزیدار بݨاؤݨ دی کوشش کیتی جاندی اے۔ آٹے وچ سوڈا مݪا کے پكایا جاوے تاں بلبلے دی شکل وچ پھٹ كے ایہ باہر نوں نِکݪدی اے۔ اسے وجہ توں روٹی وچ سوراخ ہُندے نیں۔ سَبھ توں عام روٹی، کݨک دے آٹے ناݪ تیار ہُندی اے۔