Sotrassion

La sotrassion (o diversità) antra doi nùmer a e b, denotà ${\displaystyle a-b}$ a l'é col nùmer d che giontà a b a smon a, visadì

${\displaystyle a-b=d\Leftrightarrow b+d=a}$.

Donca la sotrassion a l'é l'operassion anversa dl'adission. La sotrassion antra doi nùmer as peul fesse an somand ël prim con l'opòst dël second:

${\displaystyle a-b=a+(-b)}$.

Ant l'ansem ${\displaystyle \mathbb {N} }$ dij nùmer naturaj la sotrassion a l'é nen sempe definìa: 3-5 a esist nen, përchè gnun nùmer natural giontà a 5 a dà 3. A l'é nen possìbil sotrae un nùmer natural da un pì cit che chiel.
Nopà, antra ij nùmer relativ, a l'é definìa daspërtut.

La sotrassion a l'é nen comutativa:

${\displaystyle 3-5\neq 5-3}$.

A l'é gnanca assossiativa, nì a l'ha n'element neutral.