Sotra

Ła sotra (dita anca sotrasion) ła xe na de łe quatro operasion fondamentałi del'aritmètega. Ła xe l'operasion inversa de ła xonta, dónca se xontémo a un nùmaro un serto vałor e daspò eo cavémo, tornémo al vałor de parténsa.

Seguéndo ła scrita:

${\displaystyle a-b=c\;}$

El tèrmine ${\displaystyle a}$ el se ciama minuéndo, ${\displaystyle b}$ sotraéndo, ${\displaystyle c}$ difarénsa (o, in venesian, desferénsa). El ségno ${\displaystyle -}$ chel particołarixa st'operasion qua el se ciama manco.

Ghe xe da considarar che ła sotra ła poe èsare vista come na xonta col tèrmine ciamà sotraéndo chel xe anca n'adéndo col ségno canbià. ${\displaystyle 3-2=1}$ eora el pol èsare ła sotra de ${\displaystyle 2}$ da ${\displaystyle 3}$ come ła xonta de ${\displaystyle -2}$ a ${\displaystyle 3}$.

Ła sotra ła xe doparada par:

• Considarando un serto nùmaro de ojeti, cavarghe na parte;
• Paragonar muviminti in diresion difarénti, come tóre e dare.
• Desquèrxare ła difarénsa infrà du vałuri.

• Propietà invariantiva: se te xonti un stéso nùmaro a minuéndo e sotraéndo, el rexultà no'l canbia. ${\displaystyle a-b=(a+d)-(b+d)=c}$.

${\displaystyle 123-45=(123+5)-(45+5)=128-50=78\;}$

• Xonta
• Moltiplicasion
• Divixion