Pontassieve

Pontassieve
Stat:	Italia
Provincia:	Sità metropolitan-a ’d Firense
Nòm 'n italian:	Pontassieve
Coordinà:	Latitudin: 43° 46′ 28′′ N Longitudin: 11° 25′ 45′′ E Mostra an sla carta
Autëssa:	108 m s.l.m.
Surfassa:	114,4 km²
Abitant:	20.709 (2010)
Comun dj'anviron:	Bagno a Ripoli, Borgo San Lorenzo, Dicomano, Fiesole, Pelago, Rignano sull'Arno, Rufina, Vicchio
CAP:	50065, 50060, 50069
Prefiss tel.:	055
Còdes ÌSTAT:	048033
Còdes fiscal:	G825
Festa dël borgh:	29 dë stèmber
Sit istitussional

Pontassieve a l'é un comun dla Toscan-a ëd 20.708 abitant, an provincia ëd Firense.

Pontassieve a resta a 108 méter d'autëssa, a l'amboch dla val ëd Sieve, ant ël Valdarn, davzin a la confluensa dël Sieve ant l'Arn a 18 chilòmeter da Firense. Ël comun a l'ha na surfassa ëd 114,44 km².

L'abità a l'ha ancaminà a formesse dal sécol ch'a fa XIII e a l'é dësvlupasse dòp la mità dël sécol apress, cand ij fiorentin a l'han fabricà un castel e un sistema ëd fortificassion, an possand la chërsùa dël borgh tanme mërcà a servissi ëd na zòna agrìcola anvironanta assè gròssa.
Ël pais a l'ha pijà sò nòm da 'n pont medicéo an sl'Arn.

La sconda guèra mondial a l'ha fàit dij dann grev, ch'a l'han anteressà pì che ël 90% djë stabiliment produtiv.
Tutun l'arprèisa a l'é stàita lesta e al di d'ancheuj a-i son vàire amprèise, dzortut ëd dimension cite e mojen-e, ch'a travajo ant ij sétor metalmecànich, dël véder, dle materie plàstiche e dla goma, dij tessù e dle confession, dij materiaj da costrussion.
L'agricoltura dla zòna a produv granaje, ulive e dzortut uva da vin, travajà an vàire stabiliment enològich amportant.

Ël sìndich a l'é Marco Mairaghi (dal 14/06/2004 -second mandà: 2009-).

Pontassieve a l'é gemelà con:

• Tifariti, Repùblica Àraba Saharawi Democràtica

• Sit istitussional