Lora

Lora
Status di IUCN: Sensibel pa menasa
Lora na Boneiro
Clasificacion taxonomico
Reino: Animalia Troncon: Chordata Clase: Aves Orden: Psittaciformes Famia: Psittacidae (Papagay di Africa y mundo nobo) Genero: Amazona
Especie
Amazona barbadensis (Gmelin, 1788)[1]
Sinonimo
Amazona barbadensis rotschildi (Hartert, 1892)
Mapa di distribucion
Lora na Islanan Canaria, Spaña
Imagennan riba Wikimedia Commons
Lora riba Wikispecies
[Edita Wikidata] · [Manual]

Lora (Amazona barbadensis; ingles: yellow shouldered amazon, hulandes: geelvleugelamazone) ta un especie di parha di e famia Psittacidae. E ta un parha endemico na Venezuela, Boneiro, Margarita y La Blanquilla unda e ta vulnerabel como especie.

E lora ta presente den extremo nort di Venezuela y riba e islanan cercano manera Aruba, Corsou y Boneiro. Na Kòrsou e no ta nativo sino a wordo introduci. For di aña 1947 e especie a wordo extermina na Aruba, debi na jaagmento ilegal pa bendemento como mascota, y matamento pa motibo cu e lora tabata wordo considera un plaga pa agricultura. Desde 2017 e ta protegi pa ley bou Ordenansa di Naturalesa di Aruba.^[2] Desde fin di 2023 a cuminsa reintroduci 25 lora den naturalesa Arubano.^[3][4]

E habitat di e lora ta terenonan di vegetacion arido cu hopi kadushi y matanan di mondi. E parha ta traha neishi den e aperturanan di baranca, palo y kadushi grandi.^[5] E populacion total ta estima entre 1700 y 5600 parha adulto. Na Boneiro a conta 995 lora na januari 2021, mientras un aña prome esaki tabata 1228.^[6] E especie ta poni riba e lista cora di International Union for Conservation of Nature and Natural Resources (IUCN) como su existencia ta depende di medidanan di proteccion. Pa e lora aki tin restriccion di traficacion na vigor.

E parha ta 33 centimeter largo y su color ta generalmente berde. Caracteristico ta e plumanan; e rand smal di color berde scur riba e pluma ta haci esaki aparenta scama. E berde riba e pechu y barica tin un tint di blauw. E berde riba e kabes ta bira gradualmente geel riba e frenta y rond di e wowo. Bou di e wowo e geel ta cambia prome den blauw cla y despues berde. Ademas tin mancha di color riba e schouder i parti di e pianan. Ora e lora ta bula por mira e color cora riba e ala i e color blauw scur riba e punta di e plumanan di ala.

• 
  Habitat na Boneiro