Taksonomia
Taksonomia (Aruba: taxonomia) ta un tereno di biologia ku ta trata di haña, distinguí i deskribí, duna nòmber i klasifiká tur organismo bibu a base di karakterístikanan komun. Organismonan por wòrdu klasifiká den gruponan (taxa) i e gruponan aki ta haña un rango taxonómiko. Gruponan denter di un rango por wòrdu kombiná pa forma un rango mas haltu; esaki ta krea un herarkia taksonómiko.
E rangonan prinsipal ku ta wòrdu usá den biologia moderno ta dominio, reino, divishon (tronkon), klase, orden, famia, género i espesie. E naturalista sueko Carl Linnaeus (1707–1778) ta wòrdu konsiderá e fundadó di taksonomia biológiko. El a desaroyá un sistema den kua organismonan tabata wòrdu klasifiká a base di karakterístikanan kompartí, i a diseñá nomenklatura binomial pa nombramentu di espesienan.
Nombramentu di espesie ta basá riba un sistema di sufiho. E famia di kual Cododo (Cnemidophorus arubensis) ta pertenesé na dje ta por ehempel Teiidae. E sufiho -idea ta mará na famia di animal. E otro sufihonan por mira den e siguiente tabel.[1]
Nombramentu di espesie: sufiho Reino Mata Alga Beskem Animal Rango Tronkon/ division
-phyta -mycota Suptronkon/ supdivision
-phytina -mycotina Klase -opsida -phyceae -mycetes Supklase -idae -phycidae -mycetidae Orden -ales Superfamia -oidea Famia -aceae -idae Supfamia -oideae -inae Supertribu -itae Tribu -eae -ini Suptribu -inae -ina Nota: E rango di division ta diferente di tronkon den e forma cu e ta solamente utilisa pa identifika e reino di mata, e resto di e reino ta usa e rango di tronkon.
Fuente, nota i/òf referensia
|