Agama (lupisak)
| Agama | ||||||||||||||||
|---|---|---|---|---|---|---|---|---|---|---|---|---|---|---|---|---|
 Ing red-headed rock agama (Agama agama) king Kenya.
| ||||||||||||||||
| Scientific classification | ||||||||||||||||
| ||||||||||||||||
| Species | ||||||||||||||||
|
See text. |
Ing agama metung ya kareng mangalating lupisak a makaba iki at mamangan insektu a kayabe king genus a Agama. E la kukulang king 31 a species deng bibilug king genus da reng agama king mabilug a Africa.
Metung ya kareng kilalang diling species ing red-headed rock agama o agamang batung malutu buntuk (Agama agama), a makelatan (widespread) king Africa king mauli ning Sahara (sub-Saharan Africa). Anyang minuna, king savannah ya mabibye, dapot ngeni, mayayakit ya murin kareng balen ampong bariu. Abe-abe lang mabibye reng agama, a bibilug grupung manga apulu anggang adwang pulu. Ing "pekapun" o "leader" da reti, metung yang matwang lalaki, kabang kayanib no man deng bábai ampong ampong anak a lalaki. Matuling ya pangakomanggi (dark-brown) kule iti neng bengi, pero manaliwa la reng kule ning lalaking manimuna. Magi yang maputlang iro (asul) ing katawan, at masala ne man pangadalandan ing buntuk ampo ing iki. Malyari lang manaliwa deti basi king kundisiun o kabilyan ning lalaking manimuna. Alimbawa, nung milaban la reng lalaking agama, magi lang komanggi deng buntuk da, at ating laltong tuldik a maputi king king karelang katawan. Malilyari ing laban nung ating luntung dayung lalaking agama Subukan ne niting samsaman ing pamanimuna ning lalaking pekapun. Neng milalaban la, sasalitsti (“hiss”) la reti, a tuturan de ing buntuk ning kalaban da ketang karelang iki. Neng kayi, masyadu lang masikan o bayolenti deti, at mikakapasa (hematoma) la o balbal a panga deng kalaban da.
Laganas a komanggi ing kule da reng bábai. Maralas, ating matas diling babai, a malapit king pekapun a lalaki, at panikwanan nong idayu deng aliwang bábai.
Deng Species
[mag-edit | alilan ya ing pikuwanan]Deng makatuki ila reng species a kayabe king genus a Agama:
- Agama aculeata
- Agama agama (agama lizard)
- Agama anchietae
- Agama armata
- Agama atra
- Agama bocourti
- Agama bottegi
- Agama boueti
- Agama boulengeri
- Agama caudospinosa
- Agama cornii
- Agama doriae
- Agama etoshae
- Agama gracilimembris
- Agama hartmanni
- Agama hispida
- Agama impalearis
- Agama insularis
- Agama kirkii
- Agama mehelyi
- Agama montana
- Agama mossambica
- Agama mwanzae
- Agama paragama
- Agama persimilis
- Agama planiceps
- Agama robecchii
- Agama rueppelli
- Agama sankaranica
- Agama spinosa
- Agama weidholzi
Pikuanan
[mag-edit | alilan ya ing pikuwanan]- Manthey and Schuster. 1996. Agamid Lizards. T.F.H Publications Inc. U.S.A.