Bienvnue sur ech Wikipédia in lingue picarte
Ch'est unne bèle ouvrache copérative por foaire unne libe inciclopédie in picard, étou lonmè chti, rouchi obin patoés. À ch'momint-chi, os avons 5 784 pages edseur nou Wikipédia.
Ech câtiau Couchy (in franchoés : le château de Coucy) ch'est un câtiau qui s'treuve à Couchy-Câtiau-Aufrique dins l'Ainne. Il étoét avant 1917 ch'pu haut câtiau janmoais bâti dins ch'monde, sin gros donjon i foaisoét 56 mètes ed hauteur, moais il o 'tè bersillè avuc d'el dinamite per chés Almands in marche 1917.
Eugène Viollet-le-Duc, invoéyè pèr echl'Impéreur Napoléon III, il avoét por mission d'restaurer un molet ch'câtiau et pi d'in foaire pusieurs rétros.
Conme chl'Impéreur i vouloét rfoaire un câtiau por sn'usache à li, il o dmandè à Viollet-le-Duc ed coésir un câtiau à restaurer. Aprés avoér granmint hésitè, Viollet-le-Duc il o coési d'erfoaire ch'câtiau Pierrefonds, mînme si qu'i pinsoét qué Couchy puvoét dvénir unne sorte ed Carcassonne d'ech Nord si qu'o l'restaurroét. Finalmint, ech bersillache d'ech gros donjon, d'ches quates grossés tours d'angue, d'el grand Porte Laon pi d'tout el vile Couchy-Câtiau-Aufrique, cho vo intraver chu projet.
Inhui, o put toudis vir ches grossés ruinnes impressionnantes d'ech câtiau et pi ches rimparts bin conservès et fort hauts d'el vile Couchy-Câtiau-Aufrique, el Porte Laon al est in rconstrucchon dpis queuques énées por ête erfoaite intièrmint; chu traval i vo durer 10 énées.
L' Picard, ch'est unne lingue d'oïl qu’o pu d’un mile ans avuc granmint d’dialecs (anmiennoés, vimeu, vermindoés, bieuvaisis, chti, hénau, etc.) et pi dins chés patoés (o parlers) y o étou chés variantes avuc chés vilaches qui parlette à leu mode.
Moaîte-page — Atcheuil
Armoéries d'ches grandés viles ed lingue picarte 
