Potamogeton

Potamogeton, comunament piuta o palusèl (Potamogeton natans), es un genre de plantas aquaticas, màgerment d'aiga doça, de palús, dolcicòla, de la familha de las Potamogetonaceae.

Son principalament perennas e tipicament produsisson de rizòmas que son las formas amb qué travèssa l'ivèrn. Fòrça espècias donan tanben de brots especializats ivernals nomenats turions que pòdon sortir tanben dels rizòmas, en las tijas o en los estolons del rizòma. Las fuèlhas son usualament opausadas a l'excepcion de la region de floracion de la tija. Aiçò contrasta amb lo genre emparentat Groenlandia en lo qual las fuèlhas son opausadas o entièras.

En fòrça espècias totas las fuèlhas son immergidas e en aquestes cases son tipicament primas e translucidas. Qualques espècias, mai que mai en paluns e aigas fòrça lentas, an de fuèlhas flotants que tendon a èsser mai flexiblas.

Lo diagnostic de fòrça espècias de Potamogeton es la preséncia d'una delicada membrana semblabla a d'escatas en l'aissèla de la fuèlha. E pòt èsser entièrament fixada, parcialament o liura, e aver de marges enrotlats o semblar un tub. Las flors, son tetrameras.

Las espècias de Potamogeton se tròban dins tot lo mond ont i aja d'aiga correnta. S'estiman prèp de 90 espècias mas l'ibridacion provesís de mai de complexitat la taxonomia

La pastura d'aiga canadiana, (Elodea canadensis), que ne parteja divèrsas caracteristicas, es pas una Potamogeton.

• Potamogeton acutifolius
• Potamogeton alpinus
• Potamogeton angustifolius
• Potamogeton berchtoldii
• Potamogeton compressus
• Potamogeton crispus
• Potamogeton epihydrus
• Potamogeton filiformis
• Potamogeton freisii
• Potamogeton gramineus
• Potamogeton lucens
• Potamogeton natans piuta o palusèl
• Potamogeton obtusifolius
• Potamogeton pectinatus
• Potamogeton perfoliatus
• Potamogeton polygonifolius
• Potamogeton praelongus
• Potamogeton pusilus
• Potamogeton trichoides