Jakob Jud

Jakob Jud (Wängi, canton de Thurgau, 12 de genièr de 1882-Seelisberg, canton d'Uri, 15 de junh de 1952) foguèt un lingüista e romanista suís famós qu'elaborèt amb Karl Jaberg l'atlas lingüistic de Suïssa (en alemand: Sprach- und Sachatlas Italiens und der Südschweiz) generalamaent conegut coma AIS.

Jakob Jud manifestèt un interès considerable pels parlars de son país, e contribuïguèt doncas a la publicacion del Dicziunari Rumantsch Grischun e a partir de 1934 collaborèt tanben al Vocabolario della Svizzera italiana. A mai participèt en 1940, a una autra òbra realizada collectivament, Die Römische Schweiz e a un estudi de las paraulas romanicas de la Suïssa alemanica: Zur Geschichte der romanischen Reliktwôrten in den Alpenmundarten der deutschen Schweiz (1946).

Jakob Jud fondèt una colleccion de monografias, Romanica Helvetica (1935) e la revista Vox Romanica (en 1936, amb Arnald Steiger).

En 1951 foguèt acceptat coma membre de l'Académie royale de langue et de littérature françaises de Belgique.

• Sprach- und Sachatlas Italiens und der Südschweiz (1928-1960), fach amb Karl Jaberg
• Der Sprachatlas als Forschungsinstrument (1928)
• Romanische Sprachgeschichte und Sprachgeographie (1973)