Diocèsi de Carcassona e Narbona

La diocèsi de Carcassona e Narbona (en latin: dioecesis Carcassonensis et Narbonensis) es lo nom de la diocèsi de Carcassona dempuèi 2006. Es una diocèsi de la Glèisa Catolica. Sa catedrala es Sant Miquèl de Carcassona e la catedrala Sant Just e Sant Pastor de Narbona a reng de cocatedrala. L'avesque es Bruno Valentin.^[1]

Pr'amor del Concordat de 1801, per la bulla Qui Christi Domini del 29 de novembre de 1801, le papa Piu VII conservèt la diocèsi de Carcassona pels departaments d'Aude e dels Pirenèus Orientals, atal coma le canton de Quergut del departament d'Arièja.
Per la bulla Paternae caritatis del 6 d'octobre de 1822, Piu VII restabliguèt la diocèsi de Perpinhan pel departament dels Pirenèus Orientals.
Le 14 de junh de 2006, le títol de l'archidiocèsi suprimida de Narbona foguèt transferit a la diocèsi de Carcassona que prenguèt son nom actual de diocèsi de Carcassona e Narbona. La catedrala Sant Just e Sant Pastor de Narbona venguèt cocatedrala.
Per un decret del 8 de decembre de 2002, per tal d'associar las províncias eclesiasticas ambe las realitats regionalas, la Congregacion pels avesques elevèt la diocèsi de Montpelhièr al reng d'archidiocèsi metropolitana; atal, la diocèsi de Carcassona e Narbona es una de sas sufragantas.

La catedrala Sant Just e Sant Pastor de Narbona a reng de cocatedrala. Sant Just e Sant Pastor, atal coma Sant Miquèl, son los patrons de la diocèsi.
Autras tres glèisas foguèron catedralas dins lo passat :

• la basilica Sant Nazari e Sant Cèls de Carcassona èra l'anciana catedrala de la diocèsi;
• l'abadiá de Sant Pàpol, venguda catedrala, èra la catedrala de l'anciana diocèsi de Sant Pàpol;
• l'abadiala d'Alet, venguda catedrala, èra la catedrala de l'anciana diocèsi d'Alet.
  

I a autras doás basilicas dins la diocèsi :

• la basilica Nòstra Dòna de Marcèlha, a Limós;
• la basilica Sant Pau Sèrgi de Narbona.

• 
  La catedrala Sant Just e Sant Pastor de Narbona.
• 
  Lla basilica Sant Nazari e Sant Cèls de Carcassona.
• 
  La clastra de l'abadiá de Sant Pàpol.
• 
  Las roïnas de l'abadiá e de l'abadiala-catedrala d'Alet.
• 
  La basilica Nòstra Dòna de Marcèlha.
• 
  La basilica Sant Pau Sèrgi de Narbona.

Clicatz sus una vinheta per l’agrandir.

• Diocèsi de Carcassona
• Archidiocèsi de Narbona
• Diocèsi de Sant Pàpol
• Diocèsi d'Alet
• Diocèsi de Mirapeis

• «Site oficial de la diocèsi de Carcassona e Narbona» (en francés).
• «Diocese of Carcassonne et Narbonne"» (en francés). catholic-hierarchy.org.
• (en anglés). gcatholic.org.

1. ↑ Carrié, Antoine. «L’heure des "adieux" et du "passage de relais" pour Mgr Planet» (en francés). www.ladepeche.fr.

• Portal de Lengadòc