Arbust

Un arbust o un arbrilhon (var. aubrilhon) es una planta lenhosa qu'a generalament mai de 50 cm e mens de 5 m de nautor e qu'a divèrses troncs sens èsser cap d'els lo preponderant. De còps un arbre quand es pauc desvolopat se pòt confondre amb un arbust. Dins l'agricultura mantun arbre se cultiva en forma d'arbust, coma l'avelanièr, amb mai d'un tronc dempuèi la tèrra. Dins de climas relativament freds, un arbre coma la figuièra sonque pòt créisser en forma arbustiva.