Bikini
Ch't' articl'ye fut c'menchie en Jèrriais
|
Un bikini est un costeunme dé bain en deux pièches pouor les femmes.
Nou peut vaie dans des portraits des touos vièrs temps des Grècs et des Romains qu'des femmes portaient des costeunmes en deux pièches (à l'entou d'l'estonma et des hanques) pouor lé sport, mais la mode d'au jour d'aniet fut lanchie à Paris en 1946, tchiques jours auprès eune testéthie nucléaithe à Bikini dans l'Ochéan Pacifique.
Dêjà, en 1945, y'avait ieu des rapports d'femmes en costeunmes dé même en deux pièches, mais ch'fut la lanch'chie d'1946 tch'êmoûtchit la sensâtion publyique sénon eune grande populathité dans l'publyi.
Pouor l's années 1960s lé bikini 'tait atchilyi sus bein des grèves lé travèrs du monde.
