Sør-Amerika

Sør-Amerika er det sørlege av dei to kontinenta som utgjer den amerikanske verdsdelen. Området strekker seg rundt 7 600 km, frå rundt 12° nord for ekvator til over 55° sør for han, like ved Antarktis. Kysten møter Stillehavet på vestsida og Atlanterhavet på austsida. Landskapet er prega av dei ruvande Andesfjella i vest og Amazonaselva, fruktbart land og tropisk regnskog i aust. Geologisk er Sør-Amerika eit eige kontinent, i og med at det berre trefte Nord-Amerika ganske nyleg. Mange nord-amerikanarar reknar det òg som ein eigen verdsdel.

Urfolket i Sør-Amerika kom nordfrå, etter først å ha gått over landbrua i Beringstredet og vandra sørover. Dei kan òg ha møtt stillehavsfolk som hadde reist over havet. Området vart invadert av europearar frå 1530-åra, først spanjolar og sidan portugisarar. Det vart delt inn i koloniar, som fekk sjølvstende på 1800-talet.

• Argentina
• Bolivia
• Brasil, det største og folkerikaste landet i Sør-Amerika.
• Chile
• Colombia
• Ecuador
• Guyana
• Paraguay
• Peru
• Surinam
• Uruguay
• Venezuela

• Fransk Guyana (Frankrike)
• Falklandsøyane (Storbritannia)

• Latin-Amerika
• Klima i Sør-Amerika

Wikimedia Commons har multimedia som gjeld: Sør-Amerika