Love at First Feel

«Love at First Feel» er ein song av det australske hardrockbandet AC/DC. Han er det andre sporet på den internasjonale versjonen av albumet Dirty Deeds Done Dirt Cheap, gitt ut i november 1976, og vart skriven av Angus Young, Malcolm Young og Bon Scott. Den internasjonale versjonen vart ikkje gitt ut i USA før i april 1981.

«Love at First Feel» var ikkje med på den originale australske utgåva av Dirty Deeds Done Dirt Cheap, gitt ut i september 1976, noko som gjer han til ein av berre to spor frå internasjonale AC/DC-album som ikkje er tilgjengeleg på dei australske albuma til bandet. Den andre er «Cold Hearted Man», gitt ut på europeiske trykk av Powerage. Omvendt vart fleire songar som er tilgjengelege på australske AC/DC-album ikkje gitt ut utanlands før meir enn tretti år seinare. «Love at First Feel» vart likevel gitt ut i Australia som singel i januar 1977 med «Problem Child» som B-side, som toppa i Kent Music Report Singles Chart Top 100.^[1]

Songar/låtskrivar Mark Kozelek spelte inn ein versjon av dette sporet på albumet sitt med AC/DC-songar med tittelen What's Next to the Moon.

Det franske bandet Trust, som var oppvarmingsband for AC/DC på konserten deira i Paris i Frankrike hausten 1978, omarbeidde «Love At First Feel» med fransk tekst i 1978 til singelen, «Prends Pas Ton Flingue» med «Paris By Night». Songen vart seinare tittelsporet på konsertalbumet deira frå 1988, Paris By Night.

• Bon Scott – solovokal
• Angus Young – sologitar
• Malcolm Young – rytmegitar, korvokal
• Mark Evans – bass^[2]
• Phil Rudd – trommer