Idaho

Idaho
delstat
Flagg Våpen
Land	USA
Del av	det kontinentale USA
Hovudstad	Boise
Areal	216 443 km²
•  land	214 044 km²
•  vatn	2 398 km²
Folketal	1 716 943  (2017)
Folketettleik	8 / km²
Guvernør	Brad Little
Før innlemming	Territoriet Idaho
Innlemma i USA	3. juli 1890
Statsnummer	43.
Forkorting	ID
Idaho 45°N 114°W / 45°N 114°W / 45; -114
Kart som viser Idaho.
Wikimedia Commons: Idaho
Nettstad: idaho.gov

Idaho er ein delstat i USA. Han grensar mot Montana i nordaust, Wyoming i aust, Utah og Nevada i sør, Washington og Oregon i vest og mot Canada i nord. Delstatshovudstaden er Boise.

Idaho er ein fjellstat som ligg i fjellkjeda Rocky Mountains. Ei av elvene i delstaten, Snake River, renn gjennom den djupe dalen Hells Canyon. Det meste av folkesetnaden held til sør i delstaten, der den største byen Boise ligg. Andre byar i sør er Pocatello og Twin Falls. Elles husar delstaten byane Lewiston, som ligg ved ei elv og er den einaste hamnebyen i Idaho, og Coeur d'Alene.

Området hadde kring 8 000 innfødde innbyggjarar då Lewis og Clark-ekspedisjonen vitja det i 1805.

Gruveindustrien etter sølv og bly, har vore viktig for Idaho. Det mest kjende jordbruksproduktet er potetar, og Idaho står for ein tredel av potetproduksjonen i USA. På 1970-talet etablerte også dataverksemder seg i Idaho.

Commons har multimedium som gjeld: Idaho

• Offisiell nettstad

Denne geografiartikkelen er ei spire. Du kan hjelpe Nynorsk Wikipedia gjennom å utvide han.