Himmelblå
| Type | fjernsynsserie | ||
|---|---|---|---|
| Sjanger | Dramaserie | ||
| Opphavsland | Noreg | ||
| Produksjonsland |  Noreg | ||
| Introduksjonsår | 2008 | ||
| Sesongar | 3 | ||
| Episodar | 24 | ||
| Lengd | 25 minutt | ||
| Språk | Norsk | ||
| Skapar | Timothy Prager | ||
| Produsent | Tore Bergstrøm Vegard Sternberg Eriksen | ||
| Basert på | Two Thousand Acres of Sky | ||
| Musikk | Martin Horntveth | ||
| Medverkande | Line Verndal | ||
| Periode | 7. september 2008– 25. april 2010 | ||
| Kanal | NRK | ||
| Biletformat | 16:9 | ||
| Lydformat | Surround | ||
Himmelblå er ein norsk dramaserie produsert av NRK Drama. Serien er hovudsakleg spelt inn på Ylvingen i Nordland, som også er der mesteparten av handlinga går føre med.
Himmelblå hadde premiere 7. september 2008 på NRK1. Serien vann klassen beste TV-drama under Gullruten 2009. I tillegg vann Lena Kristin Ellingsen frå serien klassen beste kvinnelege skodespelar under same utdelinga.
Den norske serien byggjer på Two Thousand Acres of Sky som blei vist på BBC1 frå 2001 til 2003. Denne blei skriven av Timothy Prager og produsert av Adrian Bate
Handlinga
[endre | endre wikiteksten]Serien handlar om eit lite øysamfunn i Nord-Noreg, Ylvingen. Skolen på øya har for få elevar til at det kan sikrast vidare drift. Derfor set lokalbefolkninga inn ein annonse i VG og søkjer etter ein etablert familie med barn i skolepliktig alder. I Oslo jobbar aleinemora Marit (Line Verndal) som kokke med mykje kveldsarbeid. Ho vil nytte høvet til å starte eit nytt liv med eiga verksemd der. Kim blir med som fiktiv «ektemann». På Ylvingen startar ho pensjonatet Himmelblå.
Produksjon
[endre | endre wikiteksten]Eva Dahr var konseptuerande regissør for serien. Dei andre regissørane var Vibeke Ringen, Anne Sewitsky, Tor Tørstad og Mathias Calmeyer. Manuset er skrive av Kathrine Haugen, Sissel Haugen, Lasse Nederhoed, Anne Sewitsky og Mathias Calmeyer. Margrete Kåset har vore manusredaktør. Sjefsfotografar har vore Helge Semb, Hans Erik Lindbom , Christine Heitmann og Leif O. Bergundhaugen, og musikken er laga av Martin Horntvedt. Produsentar for serien var Tore Bergstrøm og Vegard Stenberg Eriksen, lineproducarar Inger Vatne og Cecilie Nordstrøm. Prosjektsjef for serien og initiativtakar var Petter Wallace. Dramasjef var Hans Rossine.
Sjølv om både innspeling og handling er lagt til Ylvingen på Helgeland, snakkar skodespelarane ikkje helgelandsdialekt, men eit standard nordnorsk talemål, tilpassa dialektar lenger nordfrå.[1]
Premiere
[endre | endre wikiteksten]Premieren vart send søndag 7. september 2008 med to episodar første dag. Den første episoden vart sett av 922 000 sjåarar, mens episode to som gjekk rett etterpå, hadde 1 099 000 sjåarar, noko som var rekordtal for ein norsk dramaseriepremiere etter år 2000.
Sjåartala nådde i den siste episoden som vart send på NRK1 søndag 22. mars 2009 1 309 000.
| Skodespelarar | Rollenamn | Funksjon/forhold | Sesong |
|---|---|---|---|
| Line Verndal | Marit | Hovudperson | 1- |
| Edward Schultheiss | Kim | Bestevennen og den fiktive ektemannen til Marit (i starten) | 1- |
| Elvira Haaland | Iris | Dottera til Marit | 1- |
| Sebastian Warholm | Robin | Sonen til Marit | 1- |
| Ketil Høegh | Brynjar Ylvingen | Handelsmann | 1- |
| Guri Johnson | Liv | Kona, deretter eks-kona, til Brynjar | 1 |
| Ingrid Vollan | Britt | Sambuar, deretter kona til Brynjar; lærer | 1- |
| Lena Kristin Ellingsen | Karoline Ylvingen | Dottera til Brynjar og Liv | 1- |
| Hallvard Holmen | Roy Harry Hansen | Skyssbåteigar og -drivar | 1- |
| Terje Skonseng Naudeer | Roland Ylvingen | Bror til Vivian | 1- |
| Nina Bendiksen | Vivian | Søster til Roland | 1- |
| Mathias Calmeyer | Jens | Ektemannen til Vivian | 1- |
| Sondre Aasen | Lille-Jens | Sonen til Vivian og Jens | 1- |
| Gunnar Søla | Amund | Far til Vivian og Roland | 1 |
| Sigmund Sæverud | Johan | Ektemannen til Ingeborg | 1- |
| Julie Øksnes | Ingeborg | Kona til Johan | 1-2 |
| John Sigurd Kristensen | Halle | Sonen til Johan og Ingeborg | 1- |
| Zita Djenes | Klara | Hushalderska til Halle, frå Romania | 1- |
| Eirik Evjen | Kristoffer | Omreisande skolefotograf | 1 |
| Iren Reppen | Monica | Tidlegare skolekamerat av Roy | 1- |
| Marika Enstad | Rakel | Tilbakeflyttande | 2- |
| Kamilla Grønli Hartvig | Kristel | Dotter av Rakel | 2- |
Kjelder
[endre | endre wikiteksten]- Denne artikkelen bygger på «Himmelblå» frå Wikipedia på bokmål, den 14. mai 2009.
Referansar
[endre | endre wikiteksten]- ↑ Brønnøysund avis, arkivert frå originalen 13. oktober 2008, henta 14. mai 2009