Karibspråk

Karibiske språk er ein språkfamilie som hovudsakleg er utbreidd i nordlege Sør-Amerika. Han omfattar av 20 til 30 nolevande språk som til saman har rundt 50 000 talarar. Dei største karibiske språka er macushi, pemón og karibisk. Macushi med rundt 30 000 talarar er det einaste av språka som blir brukt av fleire enn nokre få hundre eller tusen.

Dei fleste karibiske språka er utbreidde rundt nordkysten av Sør-Amerika, frå Andesfjella i Colombia til munningen av Amazonas. Det finst også nokre døme i sentrale Brasil.

Karibiske språk er kjende blant språkforskarar gjennom hixkaryana, som kan vera det første språket ein har studert med objekt-verbal-subjekt som den vanlege setningsoppbygginga.

Ein har ikkje nok data om språka til å klassifisera dei fullstendig i grupper. Denne lista byggjer på Gildea (2012), med dei best funderte greinene først, og berre to utdøydde språk tekne med.^[1]

• Parukotoansk
  • Katxúyana (shikuyana, (†) warikyana)
  • Waiwai: Waiwai (wabui, tunayana), hixkaryana
• Pekodiansk
  • Bakairí
  • Arara: Pará-arára (parirí), ikpéng (txikão)
• Venezuelansk karib
  • Pemóng–panare
    • Pemóng: Kapóng (akawaio, patamuna, ingarikó), makushi, pemón (taurepang, kamarakóto, arekuna)
    • Panare
  • Mapoyo–tamanaku
    • (†) Kumaná (chaima, cumanagota)
    • Mapoyo-yawarana (mapoyo, wanai, yawarana, pémono)
    • (†) Tamanaku
• Nahukwa: Amonap (kuikúro, kalapalo)
• Guiansk karib
  • Kari'nja (karib, kalinya, cariña, galibi)
  • Maquiritari (makiritare, de'kwana, maiongong, ye'kwana)
  • Taranoansk
    • Tiriyo: Akuriyó, tiriyo, trio
    • Karihona (carijona)
  • Wayana

Uklassifisert:

Apalaí

Atruahí (Waimirí atroarí)

Yukpa: Yukpa, japréria

• Karibiske språk ved Ethnologue

Fotnotar