Batyskaf

Ein batyskaf eller eit djupvasskip er ein ubåtliknande, sjølvgåande djupvassfarkost som består av ein kabin tilsvarande ein batysfære festa under ein tank fylt med væske som til dømes bensin.

Auguste Piccard, som fann opp den første batyskafen, konstruerte namnet batyskaf av dei greske orda βάθος (bathys), «djupn» og σκάφος (skaphos), «skip».

Den første batyskafen var «FNRS-2», bygd i Belgia av Piccard. Batteridrivne, elektriske motorar sørgde for framdrifta.

Den andre batyskafen til Piccard var «Trieste», som vart kjøpt av den amerikanske marinen i 1957. I 1960 sette «Trieste» ein uslåeleg verdsrekord ved å dykke ned til botnen av Challengerdjupet, det djupaste punktet i Marianegropa, som blir rekna for å vere det djupaste punktet i verdshava.

• Djupvassfartøy

• Den amerikanske marine si skildring av dykket, med bilete (engelsk) Arkivert 2001-03-03 ved Wayback Machine.
• Ei anna skildring av dykket (engelsk)