Bokn kommune

Bokn kommune
kommune
Kommunevåpen
Land	Noreg
Fylke	Rogaland
Adm.senter	Føresvik
Areal	47,17 km²
•  land	44,57 km²
•  vatn	2,60 km²
Folketal	883  (1. januar 2024)
Målform	nynorsk
Ordførar	Egil Våge (Sp)
Kommunenr.	1145
Bokn kommune 59°12′01″N 5°25′23″E / 59.200277777778°N 5.4230555555556°E / 59.200277777778; 5.4230555555556
Kart som viser Bokn kommune.
Wikimedia Commons: Bokn
Nettstad: www.bokn.kommune.no

Bokn kommune ligg i Rogaland fylke i regionen Haugalandet og grensar i sør til Kvitsøy og Stavanger kommune, i nord og aust til Tysvær og i vest til Karmøy. Kommunen vert utgjort av tre øyar der det bur folk, og i tillegg 123 småøyar og holmar. På øya Vestre Bokn bur det mest folk, og nokre mindre på øyane Austre Bokn og Ognøy.

Kommunesenteret er Føresvik. Den einaste tettstaden i kommunen er tettstaden Bokn, med 289 innbyggjarar per 1. januar 2023.

I Bokn har næringslivet tidligare bestått hovudsakleg av jordbruk og fiske. Dei står framleis sterkt, men nå er det også to store bedrifter, HighComp som lagar komposittprodukt og Grieg seafood som har oppdrettsanlegg og smoltproduksjon i tillegg til mange mindre bedrifter.

Bokn har eige bibliotek og matvarebutikk. Kommunen har éin skule, Bokn skule, som er både barne- og ungdomsskule med om lag 100 elevar. Tilknytt skulen finn ein òg Bokn barnehage.

Bokn har brusamband mot resten av Haugalandet og nord-Rogaland og ferjesamband mot sør over Boknafjorden. Sambandet er ein del av Europaveg 39, ein del av hovudvegen mellom Bergen og Stavanger.

Høgaste punkt er Boknafjellet 294 moh på Vestre Bokn. Fjelltoppen har vore lett å kjenna att og orientera seg etter på sjøen. Namnet Bokn skal tyda seglingsmerke.

Kommuneblomen til Bokn er kusymra, som lokalt gjerne blir kalla kusom. Blomen vart kåra i ei avstemming.

Kommunevåpenet vert skildra som «Varde i sølv på blå botn». Blåfargen symboliserer at kommunen er ein øykommune med hav kring. Sølvfargen symboliserer rikdomane i havet. Varden symboliserer øyane slik ein kan sjå dei på litt avstand.

• Daniel Danielson Grønnestad
• Asbjørn Kloster
• Lars Elisæus Vatnaland

Denne artikkelen treng referansar for verifikasjon. Du kan forbetra artikkelen ved å leggja inn referansar til pålitelege kjelder. Kven som helst kan fjerna kjeldelaust materiale utan forvarsel, men den føretrekte tilnærminga er i første omgang å markera dei setningane/påstandane som treng kjeldebelegg ved å tilføya {{tr}} etter påstanden. (2022)

• Bokn Bygdablad
• Bokn kommune