Al-Shatrah
| Al-Shatrah | |||
| Shatrat al-Muntafiq, Shatreh, بغداد<ع | |||
| by | |||
| Land |  Irak
| ||
|---|---|---|---|
| guvernement | Dhi Qar guvernement | ||
| Høgd | 4 moh. | ||
| Koordinatar | 31°24′35″N 46°10′18″E / 31.40972°N 46.17167°E | ||
| Folketal | 254 000 (2014) | ||
| Grunnlagd | 1872 | ||
 Al-Shatrah 31°24′35″N 46°10′18″E / 31.409722222222°N 46.171666666667°E | |||
Al-Shatrah (òg kalla Shatrat al-Muntafiq) er ein by sør i Irak, nordaust for Nasiriyah. Det er det administrative senteret i al-Shatrah-distriktet, som er ein del av Dhi Qar guvernement. Al-Shatrah ligg langs Gharrafkanalen og Motorveg 7. 22-23 km mot vest ligg oldtidsbyen Lagash.[1] I 2009 hadde byen kring 254 000 innbyggjarar.[2][3]
Historie
[endre | endre wikiteksten]Al-Shatrah vart grunnlagd i 1872 under den osmanske tida i Irak då byen var ein del av Basra vilayet. Ikkje lenge etter oppretta byen sterke handelsband til Bagdad og vart eit senter for kornhandel i Sør-Irak. Shatrah vart den viktigaste byen langs Gharrafkanalen og fekk kallenamnet «Vesle Bagdad».[4] Han var det administrative senteret i ein qadaa (underdistrikt) med same namn, som var ein del av Muntafiq sanjak i Basra vilayet. Det offisielle namnet på byen var opphavleg «Shatrat al-Muntafiq», men det vart forenkla av lokale innbyggjarar til «al-Shatrah» for å skilje han frå den nærliggande byen Qal'at Salih, som offisielt vart kalla «Shatrat al-Amarah» av osmanske styresmakter.[5]
Sommaren 1889 opplevde al-Shatrah eit kolerautbrot og kring 700 av innbyggjarane mista livet, mellom andre qaimaqam-en (løytnant-guvernøren) i byen. Før utbrotet hadde byen kring 5 000 innbyggjarar, men al-Shatrah vart i stor grad mellombels fråflytta etter utbrotet.[6]
Al-Shatrah var ei høgborg for al-Muntafiq-stamma, som dominerte Sør-Irak under osmanarane. Tidleg på 1900-talet vart byen rekna som maktsenteret til stamma.[7] Han hadde då kring 4 000 innbyggjarar, som nesten alle var sjiamuslimske arabarar, i tillegg til små samfunn av jødar og mandearar. Marknaden hadde nesten 300 butikkar. Det jødiske samfunnet hadde ein eigen grunnskule i landsbyen.[5]
Irakkrigen
[endre | endre wikiteksten]Under invasjonen av Irak i 2003 vart lika til amerikanske soldatar slepte gjennom gatene i al-Shatrah og hengde opp på bytorget.[8][9]
Kjelder
[endre | endre wikiteksten]- Denne artikkelen bygger på «Al-Shatrah» frå Wikipedia på engelsk, den 27. februar 2021.
- Wikipedia på engelsk oppgav desse kjeldene:
- ↑ «31.4114°,46.4072° — 31.4097°,46.1717° : 22.35 km / 13.89 m (great circle distance)» (distance between Ash Shatrah and Lagash) Arkivert 2011-07-18 ved Wayback Machine., Movable Type Scripts, accessed 22. februar 2020
- ↑ ««aš-Šaţrah» World Gazetteer». Arkivert frå originalen 4. juni 2011.
- ↑ «Iraq City & Town Population» Tageo
- ↑ Anthropological Series 30. Field Museum of Natural History. 1940. s. 259.
- ↑ 5,0 5,1 Lorimer, John Gordon (1915), Gazetteer of the Persiabukta, 'Oman, and Central Arabia, Superintendent Government Printing
- ↑ Epidemiological Society of London (1894). Transactions of the Epidemiological Society of London 13. Bogue. s. 129–130.
- ↑ United Service Institution of India (1924). Journal of the United Service Institution of India 54. United Service Institution of India. s. 190.
- ↑ Baker, Peter and Sheridan, Mary Beth (14. april 2003) «Marines Rescue Seven U.S. Prisoners; Iraqis Alert Unit Bound For Tikrit» The Washington Post s. A-1
- ↑ Wright, Evan (2004) Generation Kill: Devil Dogs, Iceman, Captain America, and the New Face of American War G.P. Putnam's Sons, New York, s. 228, ISBN 0-399-15193-1
