Airbus A380

Airbus A380
Informasjon
Type	Passasjerfly
Produsentnamn	Airbus
Produsert	2006 – i dag
Passasjerar	555 – 840
Mannskap	2
Spesifikasjonar
Lengd	73 m
Høgd	24,1 m
Vengespenn	79,8 m
Vengeareal	845 m²
Masse utan last	276 800 kg
Maksfart	940 km/t
Marsjfart	860 km/t
Marsjhøgd	11 000 m
Rekkjevidd	14 000 km
Klatrefart	– m/min
Airbus A380
Airbus A340        Airbus A350

Airbus A380 er det største passasjerflyet i verda. Det har to etasjar, brei buk og fire jetmotorar, og blir laga av den europeiske flyprodusenten Airbus.^[1][2] Flyet vart sett i kommersiell drift i 2007. Flyet vart lansert under ein seremoni i Toulouse tysdag 18. januar 2005 og flaug fyrste gong 27. april 2005 kl. 10.30.

A380, som er utvikla av Airbus Industrie, vart bestilt av fleire flyselskap: Lufthansa, Emirates Airlines, Singapore Airlines, Air France, Qantas, Virgin Atlantic Airways, Korean Air, Qatar Airways og International Lease Finance Corporation. Samtidig med at dei fyrste prototypane av flyet var klare — i juli 2004 — bestilte Etihad Airways fire fly for levering i 2007.

Den nye modellen ville i utgangspunktet bli levert i to utgåver; A380-800 og A380-800F. A380-800 har plass til 555 passasjerar over tre klassar og ei rekkjevidd på 14 800 km, medan A380-800F er eit reint lastefly med 10 400 km rekkjevidd og plass til 150 tonn varer.

Airbus heldt fram med å lage cockpiten så lik dei tidlegare modellane som mogleg. På den måten kostar det mindre å læra opp pilotar, i tillegg til at flyginga blir tryggare når mannskapet berre må kjenne til eitt sett med prosedyrar for korleis flyet skal handterast.

• Mannskap: 2
• Dimensjonar
  • Lengd: 73 m
  • Høgd: 24,1 m
  • Vingespenn: 79,8 m
  • Vingeareal: 845 m²
• Masse
  • Utan last: 280 tonn
  • Maks. masse v/avgang: 560 tonn
• Kapasitet: 555–840 passasjerar, avhengig av antal klassar
• Motorar: 4 stk Rolls-Royce Trent 900 eller Engine Alliance GP7200 turbojetmotorar
• Hastigheit
  • Cruise: Mach 0,85 (ca. 902 km/t)
  • Maks: Mach 0,89 (ca. 945 km/t)

Skrog

Airbus A380 vil bruke laminatkompositten glare i dei øvre delane av skroget. I dei nedre vil plater av dei relativt nyutvikla aluminiumlegeringane AA6013 og AA6056 bli brukte. Desse platene vil vere sveisa med lasersveising eller Friction Stir Welding, i staden for tradisjonell nagling.

Haleror

I staden for aluminium, er det brukt komposittmaterial i haleroret.

• Offisell heimeside Arkivert 2005-02-09 ved Wayback Machine.
• Aircraft-Info.net - Airbus A380
• Airbus og WTO
• Airbus A-380 galleri Arkivert 2005-02-04 ved Wayback Machine.
• Bilder av A380 frå Airliners.net

Wikimedia Commons har multimedia som gjeld: Airbus A380