Undredal

	Undredal
	bygd
	Undredal sett frå båt på Aurlandsfjorden Foto: Christopher Macsurak
Land	Noreg
Fylke	Vestland
Kommune	Aurland
Postnummer	5746 UNDREDAL
Innbyggjarnamn	undredøl
Preposisjon	i Undredal
Ferdselsårer	Fv5626
	; Undredal; 60°56′58″N 7°06′10″E / 60.949444444444°N 7.1027777777778°E
	Wikimedia Commons: Undredal

Den utskrivbare versjonen er ikkje lenger støtta eller kan ha rendring-feil. Oppdater eventuelle bokmerke i nettlesaren din og bruk den vanlege utskriftsfunksjon til nettlesaren i staden.

Undredal er ei bygd i Aurland kommune i Vestland og eit kyrkjesokn i Indre Sogn prosti. Bygda Undredal ligg ved vestsida av Aurlandsfjorden, nedst i Undredalsdalen, omtrent midt mellom innlaupet til Nærøyfjorden og der Aurlandsfjorden svingar skarpt sørvestover til Flåm. Staden er kjend for Undredal stavkyrkje og geitosten som vert produsert på Undredal stølsysteri på stølen Melhus. Bygda hadde eigen barneskule fram til 2006, men no går ungane frå Undredal på barneskule i Flåm og ungdomsskule på Aurlandsvangen. Staden har daglegvarebutikk med post i butikk.

Undredal er òg ein grunnkrins i Aurland kommune. Ved folketeljinga i 2001 budde det 112 personar i Undredal grunnkrins.^[1] Grunnkrinsen femner i tillegg til Undredal, Undredalsdalen og tilliggjande område til grensa mot Hordaland, òg nordlegaste delen av kommunen på austsida av Aurlandsfjorden.^[2]

Samferdsle

Undredal fekk vegutløysing i 1988. Fylkesveg 5626 går frå Undredal oppover Undredalsdalen til Langhuso der han møter Europaveg 16 som fortset vestover gjennom Gudvangatunnelen til Gudvangen inst i Nærøyfjorden, og derfrå om Voss til Bergen. Det er knappe to mil frå Undredal til Gudvangen. Austover går E16 gjennom Flenjatunnelen til Flåm og derfrå vidare til Aurlandsvangen, Lærdal og Austlandet. Frå Undredal er det 13 kilometers køyring til Flåm og 21 kilometer til kommunesenteret Aurlandsvangen. Passasjerbåten som går mellom Flåm og Gudvangen går innom Undredal når det er passasjerar som skal av eller på der.

Undredal kyrkjesokn

Undredal er eit kyrkjesokn i Sogn prosti. Soknekyrkje er Undredal stavkyrkje som i fylgje åringsdatering kan vere frå midten av 1100-talet.^[3] Fram til 1855 høyrde òg noverande Nærøy sokn til Undredal sokn.^[4]

Fotnotar

Bakgrunnsstoff

[1] SSB: «Folke- og boligtellingen 2001, kommune- og bydelshefter 1421 Aurland», s. 50

[2] SSB: Kart over delkrinsar og tettstader i Aurland kommune

[3] Torkjell Djupedal og Sigurd Vengen: «Undredal kyrkje» på nettstaden til Fylkesarkivet i Sogn og Fjordane

[4] «Kirkebøker, Sogn og Fjordane» på nettstaden til Arkivverket

[1]

[2]

[3]

[4]