Thyone (Maand)

Thyone (ok Jupiter XXIX) is en vun de ganz lütten buteren Maanden vun den Planet Jupiter. Opdeckt weer de an’n 11. Dezember 2001 vun en Koppel vun US-amerikaanschen Astronomen ünner dat Regeer Scott S. Sheppard an de University of Hawaii. Nöömt is de Maand na Thyone, de in de greekschen Mythologie en vun Zeus Leefsten weer. De vörlöpige Beteken vun den Maand weer S/2001 J 2

Ümloopbahn

De Maand kreist op en Ümloopbahn mit en middleren Afstand vun 20.940.000 km üm den Jupiter, woför ruchweg 627 Daag un 7 Stünnen nödig sünd. De Bahn vun Thyone hett en Exzentrizität vun 0,229 un is üm 148,5 ° gegen den Äquater vun den Jupiter neegt. De Bewegen vun den Maand warrt dorüm as retrograad ansehn, dat bedüüt, dat sik de Maand gegen den de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is meist liekers as ok de Bahnen vun annere Maanden. De warrt dorüm tohopenfaat to de Ananke-Grupp, nöömt na den gröttsten Maand dorvun.

Egenschoppen

De Maand is mit en middleren Dörmeter vun üm un bi 4 km en vun de lüttsten Maanden vun’n Jupiter. De Böverflach vun Thyone wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand bannig düster. De Dicht liggt bi 2,6 g/cm³. Dorut warrt vermoot, dat Thyone tomehrst ut Silikat-Steen opboot is.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden