Thelxinoe (Maand)

Thelxinoe (ok Jupiter XLII) is en vun de ganz lütten Maanden vun’n Planet Jupiter. De is 2004 opdeckt worrn op fotograafsch Biller, de an’n 9. Februar 2000 vun en Koppel US-amerikaanschen Astronomen vun de University of Hawaii ünner dat Regeer vun Scott S. Sheppard. Sien offiziellen Naam hett de Maand in’n März 2005 kregen. He is na Thelxinoe nöömt, en Figur ut de greeksche Mythologie. De vörlöpige Beteken vun den Maand weer S/2003 J 22.

Ümloopbahn

Thelxinoe kreist op en Ümloopbahn mit en middleren Afstand vun 21.162.000 km üm den Planeten. Dorför bruukt he ruchweg 628 Daag un 43 Stünnen. De Bahn hett en Exzentrizität von 0,2206 un is üm 151,42 ° gegen den Äquater vun den Jupiter neegt. De Bewegen vun den Maand is also retrograad, wat bedüüdt, dat sik de Maand gegen den de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is liek as en poor annere Maandbahnen. Disse Maanden warrt dorüm tohopenfaat to de Ananke-Grupp.

Egenschoppen

Mit en middleren Dörmeter vun blots 2 km tellt Thelxinoe to de ganz lütten Maanden. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand ok bannig düster. De Dicht warrt op ruchweg 2,6 g/cm³ schätzt. Dorut warrt vermodt, dat Thelxinoe tomehrst ut Silikat-Steen opboot is. Ok dor is de Maand liek de annern ut de Ananke-Grupp.

Bornen

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden