Sund (Åland)

Sund is en Gemeen op de Inselgrupp Åland, en autonome Provinz vun Finnland an de Oostsee. Se liggt op ehr Hööfteiland Fasta Åland. De Fläck bedräägt 111,82 km², wovan 108,07 km² Land un de annern 3,75 km² Binnenwater sünd. Se harr 2016 1035 Inwahners. Dor läwen 9,6 Inwahners per km². De ole Meteoritenkraater Lumparn liggt in de Gemeen. De Kultuurspraak as ok in't hele Åland is Sweedsch. Sund liggt circa 20 km vun de Hööftstadt van Åland: Mariehamn. Sund mit Seefläcken grenzt an de Gemenen Finström, Jomala, Lumparland, Saltvik un Vårdö. De Hööftort is Björby, man datt gifft noch annere Dörper. De Tourismus is de belangriekste Born vun't Inkamen, man dat gifft ok noch veel Landwertskup. Sund hett en Golfplatz

Se is riek an Kultuur un Historie. In de Gemeen gifft dat vele Plätz vun prähistoorsche archäoloogsche Funnen. Dat Slott Kastelholm is dat eenzige Slott ut dat Middelöller in Åland un en vun fief in Finnland. Dat Slott is ut dat 14. Johrhunnert. In den Harvst 1571 holl Johann III van Sweden sien afsetten schizophrenen Broder Erik XIV vun Sweden hier fungen. Dat Postverbinnen vun Sweden noh Finnland gung över Sund. De Kark vun Sund is de gröttste Kark vun Åland. Se worr in't 13. Johrhunnert oder üm 1300 boot. Se kreeg 1672 de tweede Karkenorgel vun Finnland. Dat gifft se nich mehr. Dat fief Meter hoge Kruzifix, dat in de Kark staht, is dat hööchste in Fennoskandinavien. Sund hett ok de Fastensruin Bomarsund, de en vandage besichtigen kann. Dat Fasten worr vun 1830 de op Opdrag vun Zar Nikolaus I vun Russland in de russ'sche Tiet boot. Dicht bi dat Fasten is dat Eiland Prästö mit en lütten Museum un en groten Karkhoff, wo vele Graven Opschriften in mehr denn en Spraak hebben, ok russ'sch-orthodoxe Graven mit kyrillische Opschriften, jödsche mit hebrääsche un ok muslimsche Graven. Se is siet 1973 een vun de 27 Natschonaalparks vun Finnland. Dat Gefängnismuseum worr bit 1975 as Gefängnis bruukt.

De Gemeenroot heet 15 Seeten.

• Åländsk Center: 5
• Liberalerna på Åland: 4
• Lista A: 3
• Ålands socialdemokrater: 2
• Obunden samling: 1

• Steed vun de Gemeen Sund (sweedsch)