Ecuador

'República del Ecuador'

(Flagg) (Wapen)
Wahlspröök: Libertad y Orden (spaan. för „Freeheit un Ordnung“)
Natschonalhymne: Salve, Oh Patria
Hööftstadt	Quito 0° 13′ S, 78° 31′ W
Gröttste Stadt	Guayaquil
Amtsspraak	Spaansch un Quechua
Regeren  • Präsident	Präsidialrepubliek Daniel Noboa
Unafhängigkeit	vun Spanien 1812
Grött  • Allens  • Water (%)	256.370 km²  %
Inwahnertall  • 2006 afschätzt  • Inwahnerdicht	13.547.500 (CIA 2006) 52,8/km²
Geldsoort	US-Dollar un egen Munten ([[ISO 4217|]])
BBP	44.184 Mio. US$ (69.) $ (2007) 3.261 US$ (98.) $ je Kopp
Tietzoon	ART (UTC-4)
Internet-TLD	.ec
ISO 3166	EC
Vörwahl	++593

De Republik vun Ecuador (Spaansch República del Ecuador, ok Ekuador, vgl.„Äquater“) is een Staat in Süüdamerika. De Hööftstadt is Quito. Ecuador grenzt an Kolumbien un Peru. Dat Land liggt an den Pazifik mank 1° 30' n.Br. un 5° 00 s.Br. un mank 75° 15' un 81° 00' w.L. Üm un bi 1.000 km westlich vun dat faste Land liggt in den Ozean de Galapagos-Inseln up glieke Breede mank 89° 15' un 91° 40' w.L. Dat Land is 283.560 km² groot un dor leevt üm un bi 13.213.000 Minschen.

De Gemarken vun dat hüdige Ecuador sünd in de Tied vör den Kolonialismus vun en Reeg vun indigene Kulturen besiedelt wurrn. To'n Deel hungen de vun'anner af. An't Enn vun dat 15. Johrhunnert hefft de Inka dat ganze Land erovert, man al an'n Anfang vun dat 16. Johrhunnert sünd de Spaniers kamen un hefft jem unnerkregen. In de Tied, as Spanien Kolonialmacht weer, is in de Kuntreien vun dat hüdige Ecuador de Real Audiencia de Quito ween. Unner Simón Bolívar un Antonio José de Sucre hett dat Land sik 1821 vun Spanien los maakt. Bit 1830 hett dat denn to de Gran Columbia tohöört. As dat achternah sien egenstännig sien Weg wieter gahn is, hett dat jummerlos bit up den hüdigen Dag Striet, Putsche, Greepe na den Staat un jummers nee Grenzen un Regeerungen geven. In dat 19. Johrhunnert sünd ok jummers wedder korte Börgerkriege föhrt wurrn. In de Midden vun dat dore Johrhunnert hett en klerikale Diktatuur unner Gabriel García Moreno för en paar Johre Roh bröcht. Man as Reaktschoon folg denn slank en radikal-liberale Regeerung unner Eloy Alfaro.

De Inwahners vun Ecuador höört mehrstendeels to de kathoolsche Karken to un snackt de Amtsspraak Spaansch un de Spraken Quechua, Shuar un annere indiaansche Spraken, de dor begäng sünd. De Inwahners vun Ecuador stammt ut bannig veel bannig verscheden Volksgruppen af. Dor kann een de verscheden Stremels vun de Geschicht vun dat Land vun aflesen. In dat Jahr 2004 weeren de Inwahners (Öber'n Duumen) so tohopenmengelt:

• Indianers: 20% (de Organisation vun de Indianers CONAIE meent, dat sünd bi 50%
• Mestizen: 35%
• ut Europa stammt af: 25%
• Mulatten: 15%
• Afroamerikaners: 5%

Dorbi gifft dat grode Ünnerscheede in de verschedenen Deele vun dat Land. In dat Hoochland leevt besunners veel Indianers. De Afroamerikaners (de Swatten) sammelt sik in de Kuntreien üm Esmeraldas un in dat Daal vun den Stroom Chota (spaansch: Valle de Chota) in de Provinz Imbabura in de Nordwesten vun dat Land.

Vunwegen de Verwaltung is dat Land updeelt in Provinzen (provincias), Kantonen (cantones) un Kaspelen (parroquias).

Hier staht nu de 22 Provinzen, un dat warrt ok seggt, wat jem ehr Hööftstadt is un wie groot se sünd:

• In dat Hoochland vun de Anden (sierra):
  • Azuay (8.100 km², 650.000 Inwahners, Hööftstadt: Cuenca),
  • Bolívar (4.000 km², 200.000 Inw., Hööftstadt: Guaranda),
  • Cañar (3.100 km², 200.000 Inw., Hööftstadt: Azogues),
  • Carchi (3.600 km², 240.000 Inw., Hööftstadt: Tulcán),
  • Cotopaxi 6.000 km², 350.000 Inw., Hööftstadt: Latacunga),
  • Chimborazo (6.600 km², 480.000 Inw., Hööftstadt: Riobamba),
  • Imbabura (4.600 km², 350.000 Inw., Hööftstadt: Ibarra),
  • Loja (11.000 km², 500.000 Inw., Hööftstadt: Loja),
  • Pichincha (13.000 km², 2,5 Millionen Inw., Hööftstadt: Quito),
  • Tungurahua (3.340 km², 450.000 Inw., Hööftstadt: Ambato).
• An de Küst (costa):
  • El Oro (5.850 km², 700.000 Inw., Hööftstadt: Machala),
  • Esmeraldas (15.200 km², 450.000 Inw., Hööftstadt: Esmeraldas),
  • Guayas (20.500 km², 3,6 Millionen Inw., Hööftstadt: Guayaquil),
  • Los Ríos (7.200 km², 750.000 Inw., Hööftstadt: Babahoyo),
  • Manabí (19.000 km², 1,6 Millionen Inw., Hööftstadt: Portoviejo).
  • Santa Elena (3.763 km², 238.889 Inw., Hööftstadt: Santa Elena).

• in Amazonien (Oriente):
  • Morona Santiago (25.700 km², 100.000 Inw., Hööftstadt: Macas),
  • Napo (14.000 km², 150.000 Inw., Hööftstadt: Tena),
  • Orellana (20.700 km², 71.000 Inw., Hööftstadt: Puerto Francisco de Orellana)
  • Pastaza (30.000 km², 100.000 Inw., Hööftstadt: Puyo),
  • Sucumbíos (18.300 km², 120.000 Inw., Hööftstadt: Nueva Loja),
  • Zamora Chinchipe (23.000 km², 100.000 Inw., Hööftstadt: Zamora).

• Dor kummt denn noch de Galápagos-Inseln to: (8.010 km², 30.000 Inw., Hööftstadt: Puerto Baquerizo Moreno)

Kiek ok nah bi de List Städer in Ecuador

2006 hett Rafael Correa de Steekwahl um dat Präsidentenamt für sück entscheeden kunnt. Dat Amt hett he denn an' 15. Januar 2007 antreden.

Bi den Football-Weltcup 2002 weer Ecuador dorbi. Ok 2006 maakde de Mannschup vun Ecuador wedder mit. In dat Jahr 2006 weer se mit Düütschland in een Grupp un speel nah twee Siege gegen Polen un gegen Costa Rica gegen Düütschland üm den eersten Platz in de Grupp. Amenne is se bit in't Achtelfinale kamen.