Tirool (gebeed)

Tirool is ne historiese regio in Mildn-Uropa en besteet oet de Oostnriekse deelstaat Tirool, met as heufdstad Innsbruck, en t Italiaanske Zuud-Tirool.

Vrogger maakn t deel oet van de groafschop Tirool van t Healige Roomse Riek en völ t oonder t aartshertogdom Oostnriek. In de Fraanske tied (1795-1813) kwam t in de haandn van Fraankriek en zien bondgenoot Beiern. Onder leiding van Andreas Hofer kwam t Tiroolse volk in disse tied in opstaand. Noadat t Healige Roomse Rijk in 1806 ontbeund wördn, maakn Tirool deel oet van t keizerriek Oostnriek en later van t Oostnriekse deel van Oostnriek-Hongaarnlaand.

Noa n Eerstn Weerldoorlog wördn Tirool opdeeld in t Oostnriekse Tirool en t Italiaanske Zuud-Tirool (vandaag-an-n-dag ne Italiaanske proveensie, officieel Bolzano-Zuud-Tirool neumd). Seend t Verdrag van Saint-Germain besteet t Oostnriekse Tirool oet twee deeln: Noord-Tirol en t kleanere Oost-Tirol, t gebeed roondum Lienz.

Oaverigens wördn de Italiaanske proveensie Trentino, doo t nog biej Oostnriek heurn, vrogger ok wal Welsch-Tirool neumd.