Tirol

Beste esanahi batzuen berri izateko, ikus: «Tirol (argipena)»

Tirol (Tirol alemanieraz eta Tirolo italieraz) Erdialdeko Europaren mendebaldeko eskualde historiko bat da, Austriako gaur egungo Tirol estatuak eta Italiako eskualdea den Trentino-Adige Garaiak osatua. Lehenengoak Ipar eta Ekialdeko Tirol osatzen dute, eta Adige Garaiak Hego Tirola. Tiroldarrak dira bertako biztanleak.

Hiri nagusiak Innsbruck, Kufstein, Lienz eta Solbad Hall dira.

Alpe mendien erdialdean dago, eta lurralde guztiz menditsua da (Wildspitze mendia da garaiena, 3.774 m). Inn ibaiak zeharkatzen ditu Ipar Tirolgo lurrak eta Drau ibaiak Ekialdeko Tirolgoak. Haran sakon ugari dago Tirolen, eta Inn eta Drau ibaienak dira luzeenak.

Biztanle gehienak Inn eta Drau ibaien haranetan bizi dira. Nekazaritza garrantzitsua da (behi-azienda, esnekiak). Basogintza eta meatzeak (gatza, kobrea, magnesita). Kimika-, farmazia- eta elektromekanika-industria (Innsbruck). Turismoa guztiz garrantzitsua da (neguko kirolak).

Eskualdean nagusiak diren alemanieraz eta italieraz gainera, ladino-hiztunak ere badira.

	Hiria	Biztanleak
1	AUT Innsbruck	119.584
2	ITA Trento	112.142
3	ITA Bolzano	100.629
4	ITA Rovereto	37.549
5	ITA Merano	36.811
6	ITA Pergine Valsugana	20.122
7	ITA Bresanona	19.786
8	AUT Kufstein	17.080
9	ITA Arco	16.364
10	ITA Laives	16.161
11	ITA Riva del Garda	15.818
12	AUT Telfs	14.479
13	ITA Brunico	14.535

• "Tirolpanorama" (irudiak)
• Tiroleko historia

• Tirol (Austria)
• Bozen-Hego Tirolgo probintzia autonomoa
• Trentoko probintzia autonomoa