Hachiko

Hachiko (Japans: ハチ公) (Odate, 10 november 1923 - Tokio, 8 meert 1935), in 't Japans ok bekend as chūken Hachikō (忠犬ハチ公 "trouwen hond Hachiko").

Din was 'n Akita din in Japan heel bekend ewörden is, umdat e, noa dat zien baasie uut de tied kommen, 9 joar lange wachten op zien trugge kommen bi-j 't treinstasjon. Noa zien dood wörden veur 't Station Shibuya 'n staandbeeld veur hum op-ericht. De vachte van Hachiko is bewoard ebleven in 't museum van Ueno.

Hachiko wörden geboren op 'n boerderi-je körtbi-j de stad Odate, arns in Japan. In 1924 köchten Hidesaburō Ueno, 'n professor an de Universiteit van Tokio, hum. Din nammen hum met op Tokio an.

Dn keerl nam elken dag de trein op zien wark an van of 't stasjon Shibuya. Rap was 't Hachiko 't gewoon ewörden umme zien baasie elke morn op 't stasjon an te brengen. Woar as e hum middags weer op halen. Disse gewoonte deun ze eankele moanden. Mar, meei 1925 göngen Ueno op zien wark de tied uut, deur 'n harteverlammig. Zo as altied stön Hachiko op hum te wachten op 't stasjon. Maar noe as zien baasie nie meer weerumme kwaam, bleven e 't elken dag weer proberen. Noa 'n zettie wörden Hachiko an 'n ni-je eignaar egeven. Maar doar leup e vot umme weer op 't stasjon te stoan wachten, óf umme n huus van zien oalden moat te goan.

Deur dat e dit ait maar bleven doen, wörden e al rap bekend bi-j alle luu die daags hen en weer göngen met de trein. Zi-j herkennen hum ok wel as n hond van Ueno. De luu wat hum kennen gaven hum daags te etten. En zi-j verzörgden hum as e gewond ewörden was deur 't vechten met aanderen honden. Iene van disse luu was 'n oalden student van Ueno, din toe onderzuuk deud noar 't Akita-rasse. Töt oaver verre was Hachiko bekend ewörden deur de kraanten. leraren en oalders nammen Hachiko as veurbeeld as ze de kinders iets oaver de weerde van familietrouw bi-j wollen brengen.

All's bi-jmekare hef Hachiko nog zo 9 joar lange wacht op zien moat. Hi-j göngen uut de tied op 8 meert 1935 op zien vaste plekkie op 't stasjon.

Hachiko wörden op-ezet en stiet vandage n dag in 't National Museum of Nature and Science.

Dit artikel is eskreaven in et sallandsk.