Dialekt

t Begrip dialekt is vraai stoer te verdudelken. t Liekt maisttied nait hail veul op n andere toal, moar t verschilt te waainig om van n echte toal te spreken. Roegvot zain, is elke ofwieken van n standoardtoal n dialekt. Zo binnen bieveurbeeld t Amsterdaams en t Voolndaams dialekten van t Nederlaands. t Leegsaksisch is anders as toal vaastlègd. Dizze eerkennen komt maisttied omdat t n aaigense grammatiek het en en andere woordenschat; t Leegsaksisch het ook nait biedroagen aan de vörmen van t Standoardnederlaands. n Andere reden ken wezen, dat t n apaart kluster vörmt binnen n bepoald gebied. Dit is de reden veur t Leegsaksisch en t Frais om binnen t Frankische Nederlaands de toalstoates te hebben.

Bie t Leegsaksisch wordt voak verwezen noar dialekten, bieveurbeeld Leegsaksische dialekten, Westfeelse dialekten, Drìntse dialekten, môr dit is aigelks nait hailmoal korrekt. Dialekten binnen ôfwieken tin opzicht van n standerdtoal, môr omrezen t Leegsaksisch, t Westfeels en t Drìnts gain standerdtoalen hebben zol aigelks ook nait proat worden kinnen van dialekten, môr van varianten of varieteiten.