Blauwbloem

De blauwbloem (Centaurea cyanus) is een 30 tot 60 centimeter hoge, eenjaorige plant uut de femilie van de composieten. Binnen 't geslacht Centaurea is 't een van de drie soorten die in Nederland en België inheems bin. De blauwbloem staot op de Nederlanse Rooie liest van 2000.

De blauwbloem dankt zien naam an de typisch blauwe kleur van de bloem. De bloem greuit veural op de akkers tussen 't graon, de bloem kan hier goed overleven umdat de plant krap-an ruumte inneemt en op die menier tussen 't hoge graon kan overleven. Deur de teelt mit zuvere graonenmingsels komt de plant in dit milieu vriewel niet meer veur. In baarmen van binnenwegen ku-j 'm nog wel regelmaotig vienen. Meugelijk neemt de plant daor de leste jaoren iets toe deurdat gemeentes oender invleud van bezunigingen baarmen mar een tot twee keer per jaor meien.

De voet van de buisbloempjes is paors. Een plant kan wel tot 20 bloemen vormen, die veul nectar produceren. De bleuiperiode is van juni tot augustus.

• Drèents:
  • blauwbloem(e)
  • blauwe bloeme (Ni'jlusen)
  • roggebloem(e), roggebloum
  • trems(k)e
• Stellingwarfs:
  • korenbloeme
  • roggebloeme
• Veluws:
  • blauwbloem(e)
  • blauwe bloem(e)
  • roggebloem(e)
  • blauwbössien (Attem e.u.)

Commons: Blauwbloem - plaatjes, filmkes en/of gelüüdsbestanden.

Disse pagina is eschreven in 't Putters