Аве

Аве! или ауе! (латински: ave! или aue!) e латински израз кај римјаните како поздрав или салутирање, со значење „здраво“. Впрочем, ова е еднина од наредбената форма на зборот avere, што значи „да се биде здрав“^[1] , така што ова буквално би се превело „здравствувај!“, налик на руското здравствуй!.

Добро позната е употребата на овој збор за отпоздравување на цезарот или други големци. Светониј вели дека гладијаторите пред битка му се обраќале за цезарот со зборовите Ave Caesar! Morituri te salutant! (Здраво, Цезаре! Тие што ќе умрат те отпоздравуваат!)^[2]

Вулгатната верзија на Благовештението вели дека Архангел Гаврил ја отпоздравил Дева Марија со Ave Maria, gratia plena („Здраво Марија, полна грациозност“). Аве Марија како католичка молитва има инспирирано многу религиозни музчки дела.

Фашистичките режими за време на XX век го зеле овој поздрав. Бил користен за време на Нацистичка Германија во директниот германски превод, heil (хајл).

• Римски поздрав