Urang Semendo

Artikel utamo untuak bagian ko adolah: Suku Besemah

Urang Semende
Jumlah populasi
500.000 (Sensus 2010)[1]
Kawasan bapopulasi cukuik banyak
(Sumatra Selatan), Indonesia
Bahaso
Agamo
Islam Lainnya
Kalompok etnik takaik
Melayu Palembang Alas Komering Lampung Minangkabau

Urang Semende atau Jeme Semende adolah urang dari Provinsi Sumatera Selatan yang tingga di Kecamatan Semende, Kabupaten Muara Enim^[2]. Semende tamasuak bagian dari kalompok Pasemah, tamasuak Lematang, Lintang jo Lembak. Sacaro geografis Semende di bagi manjadi duo kalompok yoitu Semende Darat di Kabupaten ‘Muara Enim’ samo Semende Lembak di ‘Kabupaten Ogan Komring Ulu’ kin ‘Ogan Komering Ulu Selatan’ (OKU. Selatan).^[3]

Manuruik sijarahnyo, urang Semende barasa dari katurunan urang Banten pado babarapo abaik silam pai marantau dari Jawa ka Pulau Sumatera, kamudian manatap tu baranak cucu di daerah Semendo^[4].

Barado di tangah kawasan Bukik Barisan, Semende manjadi daerah dataran tinggi manyimpan pesona alam nan mamikek di Sumsel.

Rancak alam Semende nampak dari sawah yang lueh bajanjang tu jalannyo bakelok manyusuri tabiang jo bukik.

Pado maso pamarintahan Pangeran Anom Kupang, Balando nio manduduki daerah Semende, tapi Balando ndak bisa masuak dek rakyaik Semende sangaik malawan. Landasan agamo Islam yang kuaik manjadi pondasi mampartahankan wilayah.

Urang Semende ndak nio digaduah dek siapopun apolai dijajah dek Balando.

Dek Balando yang sangaik liciak, makonyo pado 14 Agustus 1869 dibuwek parjanjian antaro Pamarintah Balando samo Pangeran Anom Kupang barupo piagam tatulis di ateh Tambago yang barisi 24 pasal tu disimpan di Museum Rumah Bari Palembang.

Di antaro isinyo manyatoan :

1. Daerah Semende yang dipimpin Pangeran Anom Kupang ndak takluk ka Pamarintah Balando.

2. Daerah Semende diakui Balando sabagai Daerah Istimewa (SINDANG MERDEKA).

3. Ndak wajib mambayia upeti kapado Balando.

4. Tantara Balando ndak buliah masuak ka daerah Sindang Merdeka sabalum mandapek izin Pamarintah Sindang Merdeka.

5. Urang lua Sindang Merdeka ndak berhak mangadili rakyaik Sindang Merdeka dan urang tu harus dibaliakan ka tampek asa(Sindang Merdeka), dan urang Sindang Merdeka berhak mengadili jiko ado urang lua yang babuwek salah di dalam daerah Sindang Merdeka. Makonya sampai Indonesia merdeka Balando ndak pernah dapek maresek daerah strategis Urang Semende.

Urang Semende baragamo Islam pado mulonyo barawal dari adonyo Ulamo (Wali) di Semende (Tumutan Tujuh): Tuan Guru Satubaris yang bagala Murthabaraq satingkek samo Wali Sambilan: Sunan Ampel, di Pulau Jawa sakitar abaik 15 Masehi.

Bakambangnyo urang Semende bamulo dari pajalanan iduik Ulama Tuan Guru Sutabaris Murthabaraq, kabanyo Sunan Kali Jaga marupoan salah surang murik baliau manjadi Wali Allah.

Di Tumutan Tujuh Semende parnah diadoan rapek jo patamuan-patamuan para Wali untuak mamacahan masalah-masalah di Bumi Nusantara (Indonesia) pado maso itu. Di antaronyo musyawarah dalam manantuan Rajo Islam Partamo di Demak, Raden Fatah.

Para Wali tu ampek urang Wali dari Jawa dan surang dari Sumatera, yoitu:

1. Sunan Gunung Jati (Cirebon Jawa Barat)

2. Sunan Kali Jaga (Jawa Tengah)

3. Sunan Muria (Jawa Tengah)

4. Sunan Bonang (Jawa Timur)

5. Sutabaris (Sumatera/Semende)

Banyak urang mangatoan para ulamo datang untuak baraja, mambawo ilmu pangatahuan dan tingga di Semende, yoitu:

1. Puyang Tuan Raje Ulie tinggal di Prapau

2. Puyang Baharuddin di Muara Danau

3. Puyang Leby (Pengulu Abd. Kohar) di Pulau Panggung

4. Puyang Nakanadin, Puyang Skin Mande (Sang Diwe), Puyang Raden Singe (asal Majapahit) dan Puyang Mas Pangeran Bonang di Muara Tenang

5. Puyang Rabbushshamad dan Puyang Regan Bumi di Tanjung Raya

6. Puyang Same Wali di Tanjung Tiga

7. Puyang Tuan Kecik (Rebiah Sakti) di Tanjung Laut

8. Puyang Raden Walet di Aremantai (Muara Enim)

9. Puyang Rene di Pulau Panggung dari Jepara (Tahun 1800 M)

Puyang dalam istilah semende ndak hanyo untuak urangtua buyut. Tapi untuak urang yang dituoan jo wali/ulamo.

Iko yang mambuktian bahwa ajaran Islam (Tauhid dan Syariat), adaik istiadaik ( kebudayaan Islam) alah dikenal lamo dek Urang Semende.

Hampia 100 persen panduduak Semendo iduik dari hasil batani yang diolah caro tradisional.

Lahan batani di daerah ko cukuik subur, dek barado kurang labiah 900 meter di ateh pamukoan lauik.

Ado duo komoditi utamo daerah ko yoitu kopi jenis robusta jumlah produksi mancapai 300 ton satahunnyo samo padi yang ma daerah ko tamasuak lumbuang padi untuak daerah Sumatera Selatan.

Adaik istiadaik kabudayaan daerah Semende banyak dipangaruhi oleh islam yang kuaik. Mulai dari musik rabana, lagu-lagu daerah jo tari-tarian dipangaruhi dek budaya malayu Islam. Bahaso yang digunoan dalam bagaul sahari-hari adolah bahasa Semendo. Satiok katonyo barakhiran "e".

Tradisi malamang dalam adaik parkawinan Urang Semende sangaik kental. Lamang manjadi syaraik adaik yang harus dipanuhi dek pihak pangantik laki-laki dalam upacara parkawinan.

Pihak laki-laki harus mambawok jo manyarahan lamang ka pihak pangantin padusi waktu maminang samo waktu manikah. Jiko pihak laki-laki ndak mambawok lamang pado waktu tu mako parkawinan dianggap alun lengkap sacaro adaik dan manjadi bahan gunjiangan di tangah masyarakaik.

Proses akaik nikah Urang Semende, kalau parnikahan anak partamo. Padusi yoitu “Tunggu Tubang”. Kebetulan ado kamampuan untuak pesta mako sudah tradisi untuak acara “TAMAT PENGANTEN”.^[5]

Tamat Penganten sulik diartian sacaro rinci, cuma yang ado tradisi yang turun tamurun dari nenek moyang yoitu calon penganten sabalum akad nikah balangsuang kaduonyo satu parsatu disuruah mambaco ayat suci Al Woran dan ayat itupun dipiliah atau ditunjuak dek P3N.

Tradisi nikah iko diangan-angankan dek urang tuo yang akan manikahkan anaknyo karano dianggap parnikahan baralek gadang dan mulia. Alhasil ukuran gadangnyo baraleh parnikahan adolah “Tamat Penganten”, bukan orgenan mantuak saat kini.

Manuruik sumber dari tokoh masyarakaik H. Baharuddin Mantan Pesirah Sindang Danau, bahwa gadangnyo “Agu’an” atau Pesta, yoitu samo “TAMAT PENGANTEN”. "Biasonyo sadakahan sajo kabau satu ikua atau labiah.

Tradisi “TAMAT PENGANTEN” jika dilirik dari tata caro palaksanaanyo manganduang Nada Dakwah yang sangaik gadang manfaatnyo bagi masyarakaik tarutamo kalangan remaja.

1. ↑ Indonesia's Population: Ethnicity and Religion in a Changing Political Landscape. Institute of Southeast Asian Studies. 29 Nopember 2003. ISBN 9812302123. 
2. ↑ "indopers.net". indopers.net (dalam bahasa Indonesia). Diakses tanggal 2023-01-20. 
3. ↑ Zulyani, Hidayah (April 2015). Ensiklopedi Suku Bangsa di Indonesia (edisi ke-2). Jakarta: Yayasan Pustaka Obor Indonesia. p. 470. ISBN 978-979-461-929-2.
4. ↑ PALPRES.COM. "Mengenal Asal Usul Suku Semende, Salah Satu Suku Bangsa di Sumatera Selatan". PALPRES.COM (dalam bahasa Indonesia). Diakses tanggal 2023-01-20. 
5. ↑ "TAMAT PENGANTEN TRADISI PERNIKAHAN SUKU SEMENDE". sumsel.kemenag.go.id. Diakses tanggal 2023-2-18.  Periksa nilai tanggal di: |access-date= (bantuan)^{[pranala nonaktif permanen]}

Artikel batopik kalompok etnik ko baru babantuak rancangan. Sanak dapek mambantu Wikipedia mangambangannyo.