Urang Kei

Urang Kei marupokan ciek dari suku banso di Indonesia nan mandiami Kapulauan Kei di Lauik Arafuru, nan tadiri dari Pulau Nuhucut, Nuhurowa, Kaidullah, Toyandu, Walir dan babarapo

Urang Kei
Indonesia
Jumlah populasi
Kei Kecil 28.000 jiwa
Kawasan bapopulasi cukuik banyak
Kepulauan Kei
Bahaso
Veu Evav, Bahaso Austonesia
Agamo
Islam Jo Kristen

pulau labiah ketek di sekitarnyo. Kapulauan ko tabagi manjadi duo kecamatan, yaitu Kecamatan Kei gadang dan Kecamatan Kei Kecil, Kabupaten Maluku Tenggara, Provinsi Maluku.

Urang Kei surang suko mangaku dirinyo Evav, aratinyo "pulau babi". Pendapat lain manyatoan bahwa "Kei" barasa dari bahaso Portugis kayos nan artinyo "kareh".^[1] Mungkin dikarenan pulau-pulau ko tabantuak dari batu-batu karang dan tumbuah babagai jenis-jenis kayu nan kareh. Catatan-catatan prasejarah manunjuakan bahwa Kepulauan Kei pado maso lalu alah pernah dikunjuangan dek pelauik asiang. Bukti-buktinyo prasejarah surang manunjuak bahwa kepulauan ko pernah dihuni dek manusia-manusia bakabudayoan samo jo di Australia bagian utara. Ado juo sisa-sisa peninggalan manusia bakultural paubahan dari daratan asia, antaro lain jo ditamui nekara jo kapak upacara dari parunggu di Kapulauan tu.^[2]

Pandapek nan labiah kuat, Urang Kei disinyialir punyo hubungan karabatan nan erat jo salah ciek komunitas di Bali. Hasia panelusuran samantaro, diyakini nenek moyang Urang Kei tibo dari Desa Pedawa. Kepala Dinas Kebudayaan Kabupaten Buleleng, Drs. Gede Komang, M.Si. manyatoan para peneliti dari Maluku Tenggara sabana yakin dan picayo kalau asal usulnyo inyo datang dari Pedawa. Hal itu baandasan hikayat dan carito rakyaik nan dicerita sacaro turun-temurun, serta bantuak rumah adaik antaro Urang Kei jo warga di Desa Pedawa sangaik mirip lo. Dari segi arsitektur, bantuaknyo rumah adaik kaduo punyo kesamaan di antaronyo rumah adaik samo-samo mambalakangi jalan raya dan sadolah kagiatan sadari-hari mode beribadah dan mamasok dikarajoan di dalam rumah. Kamiripan lainnyo adolah ado kosakata "tombak" nan hinggo kini diopok taruih masyarakaik Kei. Bakarajo carito kato itu artinyo "kita datang dari Bali". Lainnyo daripado itu ado babarapo adaik istiadaik jo ritual nan diyakini punyo kamiripan jo ritual Bali pado umumnyo. Salah cieknyo hukum adaik tantang "sawen" atau hak kepemilikan ulayaik. yaitu kalau sabidang tanah atau ciek binatang taranak alah punyo tanda "sawen", mako hak kapamilikan indak bisa di ganggu gugat. Samo jo hak sacek nan ado di kabudayaan Bali. Secara morfologi muko urang Kei jo urang Pedawa mirip lo. Malah, indak manutuik kamungkinan Urang Kei sabananyo barasa dari Bali.^[3][4]

Umumnyo urang Kei alah mameluk agamo kayak Islam atau Kristen, akan tapi sabagian masih picayo konsep mode roh-roh dan kakuatan-kakuatan sakti manuruik agamo nenek moyangnyo. Roh (mitu) dianggap bisa maadoan kabahagiaan jo kesah lo. Panen nan berhasia atau gagal, kahidupan nan sajahtera atau malapetaka nan manimpa panduduak dianggap datang dari kakuatan mitu. Dek karano itu, salain mangarajoan upacara-upacara ketek di lingkungan kaluarga, satiok tahun inyo maadoan pulo upacara khusus "mambarasiahan" nagari sacaro massal. Upacara barasiah desa ko disabuik sob-sob. Mitu dapek juo dipalati dek manusia malalui praktik ilmu gaib nan awak sebut suanggi.^[5] Manuruik Yong Ohoitimur, agamo asli di Kei pada dasarnya mengandung unsua-unsua: Animisme, Magi, dan Totemisme.^[6]

Animisme barasa dari kato latin yaitu anima aratinyo "roh" Dari asal kato ko, jiwa bisa diartikan sabagai roh. Jadi animisme dapek diadifinikan sabagai kayakinan akan ado roh-roh nan masuak benda-benda di dalam alam semesta, misalnyo pohon, hutan, batu, aia, dan macamnyo. Istilah animisme, partamo kali dikaluaan dek Edward Tylor, malalui bukonyo Primitive Culture. Untuaknyo bantuak agamo nan paliang awal adolah the beliefe in spiritual being. Dalam visi Tylor tantang evolusi agamo, salain arwah-arwah dan makhluk-makhluk halus tu, muncul dewata; tu di antaro para dewata tu salah surangnyo muncul sabagai dewa atau Tuhan nan paliang gadang, dan akhirnyo dewata nan lain indak diakui lai.^[7]

Urang Kei punyo Bantuak karabatan nan cukuik kompleks, jo Kesatuan karabat nan paliang ketek dalam masyarakaik Kei adolah keluarga inti nan disabuik jo riin rahan atau ub. Gabungan dari kaluarga inti ko disabuik rahayan atau fam (klen ketek) nan bisa bakambang samakin gadang manjadi ciek klen gadang nan takenal jo namo soa. sabuah kampung (ohoi) biasonyo didiami dek ciek soa. Babarapo kampuang malunjuang manjadi ciek desa nan disabuik nagari. Soa-soa nan tagabung di dalam sabuah nagari nan tabagi ka duo kalompok, yaitu kalompok Ursiwa dan Urlima. Kapamimpinan tradisional desa biasonyo diingek dek urang-urang dari soa nan partamo kali manduduaki daerah itu.

Urang Kei maimanatoan prinsip garis turunannyo nan sipaik patrilineal (lalo pihak apak atau laki-laki). Dalam hal parnikahan inyo mancari pasangan di lingkungan lapisan sosial nan samo. Peran fam atau rahayan labiah manantuan kedudukan urang dan dalam hubungan karabatan awak maanut azas primogenitur, di mano hak anak suluang atau golongan senior labiah diutamakan.

Katentuan-katentuan adaik warisan nenek moyangnyo mereka namonyo hukum Larvul Ngabal. Salain manyuruah parangai anggota masyarakaik hukum adaik ko juo manggarisan masyarakaik Kei ka dalam duo kalompok adaik. Pertama, kalompok Ursiu atau "persekutuan nio" nan kabanyakan baradia di kecamatan Kei ketek. Kaduo, kalompok Lorlim atau "persekutuan limo" nan badiam di Kecamatan Kei gadang. Simbol ado kaduo kalompok adaik ko antaro lain nampak dari jumlah tiang balai adaik (abua) di kampuang-kampuangnyo. Awak balai adaik di kalompok adaik. Ursiu bajumlah sembilan buah, sadangkan pado kalompok adaik Lorlim bajumlah limo buah.

Struktur sosialnyo masyarakaik Kei tabagi manjadi tigo golongan atau lapisan sosial yaitu:

1. Mel-mel marupoan Golongan terpandang, biasanya adolah para pamimpin adaik dan urang kaya pada lapisan sosial teratas.
2. Ren-ren marupoan Golongan tengah terdiri dari rakyaik kebanyakan.
3. Hiri-hiri marupoan kelompok budak nan indak mamiliki apo-apo (dikenal pada maso lalu)

Sistem pelapisan sosial dari maso lalu sabagian masih nampak pamagarannyo dalam kahidupan sosial sahari-hari. Contohnya dalam manantuan jodoh, dan manantuan pimpinan masyarakaik, tatakrama dalam pargaulan sahari-hari, dan keterlibatan dalam upacara tatantu.

1. Rat atau Ratu dibantu pula oleh sejumlah pejabat seperti Marinyo, Kapitan, dan Mayor yakni raja pada desa adaik (negeri) Urang Kei.
2. Tae Jan atau Tuan Tanah adolah pamimpin Kampung-kampung (soa) bawahan dari negeri
3. Tovoat adolah saurang senior bijaksana nan mamimpin kharisma adaik
4. Mitu Duan yaitu urang-urang nan dianggap mamiliki kakuatan gaib

Rat surang dalam pamarintannyo mandapekan pertimbangan dari badan musyawarah adaik, yaitu Badan Saniri Nagari nan tadiri dari unsua-unsua pamimpin adaik di ateh. Di maso kini pengaruh Rat masih cukuik gadang, tarutamo dalam manantuan surang Kepala desa manuruik sistem pamarintahan nasional.^[8]

1. ↑ Hidayah, Dr Zulyani (2015) (dalam bahaso id). Ensiklopedi Suku Bangsa di Indonesia. Yayasan Pustaka Obor Indonesia. ISBN 9789794619292. https://books.google.co.id/books?id=w_FCDAAAQBAJ&lpg=PA171&ots=yRy9GsxYbR&dq=upacara%20sob-sob%20di%20kei&pg=PA171#v=onepage&q=upacara%20sob-sob%20di%20kei&f=false.  Hal. 169
2. ↑ Pd, Santi Sari Dewi, M. (2018-09-10) (dalam bahaso id). Hafal Mahir Materi Sejarah SMA/MA KELAS 11, 12, 13. Grasindo. ISBN 9786020500805. https://books.google.co.id/books?id=ymZwDwAAQBAJ&lpg=PA63&ots=yuiM-I13XC&dq=kapak%20upacara%20dari%20perunggu%20di%20Kepulauan%20kei&pg=PA63#v=onepage&q=kapak%20upacara%20dari%20perunggu%20di%20Kepulauan%20kei&f=false.  hal. 63
3. ↑ Billiocta, Ya'cob. Billiocta, Ya'cob, ed. "Nenek moyang Suku Kei diperkirakan berasal dari Buleleng Bali". Merdeka.com (dalam bahasa Indonesia). Diakses tanggal 2023-02-07. 
4. ↑ JawaPos.com (2018-10-08). "FIX! Asal Usul Suku Kei di Maluku Tenggara dari Pedawa, Ini Buktinya…". JawaPos.com (dalam bahasa Indonesia). Diarsipkan dari versi asli tanggal 2019-03-06. Diakses tanggal 2023-02-07. 
5. ↑ Hidayah, Dr Zulyani (2015) (dalam bahaso id). Ensiklopedi Suku Bangsa di Indonesia. Yayasan Pustaka Obor Indonesia. ISBN 9789794619292. https://books.google.co.id/books?id=w_FCDAAAQBAJ&lpg=PA171&ots=yRy9GsxYbR&dq=upacara%20sob-sob%20di%20kei&pg=PA171#v=onepage&q=upacara%20sob-sob%20di%20kei&f=false.  Hal. 171
6. ↑ "BAB III POTRET MASYARAKAT KEI - PDF". docplayer.info. Diakses tanggal 2023-02-07. 
7. ↑ Tylor, Edward Burnett (2016-06-22) (dalam bahaso en). Primitive Culture. Courier Dover Publications. ISBN 9780486813899. https://books.google.co.id/books?id=EhiVDAAAQBAJ&lpg=PP1&dq=isbn:0486813894&pg=PA356#v=onepage&q&f=false.  hal. 418
8. ↑ Hidayah, Dr Zulyani (2015) (dalam bahaso id). Ensiklopedi Suku Bangsa di Indonesia. Yayasan Pustaka Obor Indonesia. ISBN 9789794619292. https://books.google.co.id/books?id=w_FCDAAAQBAJ&lpg=PA170&ots=yRy9GsAT6M&dq=ensikolpedi%20suku%20bangsa%20indonesia%20zulyani%20hidayah%20kekerabaan%20suku%20kei&pg=PA170#v=onepage&q=ensikolpedi%20suku%20bangsa%20indonesia%20zulyani%20hidayah%20kekerabaan%20suku%20kei&f=false.  Hal. 170