Danau Toba

Danau Toba adolah sabuah danau nan maisi kaldera gunuang barapi super (Inggirih: supervolcano), nan talatak di tangah-tangah bagian utara pulau Sumatra, Indonesia. Danau ko baukuran panjang labiah kurang 100 kilometer, lebanyo 30 kilometer, jo kadalamannyo inggo 505 meter (1,666 kaki). Danau ko mampunyoi elevasi muko labiah kurang 900 meters (2,953 ft), jo tabantang dari 2°53′N 98°31′E / 2.88°N 98.52°E / 2.88; 98.52 inggo 2°21′N 99°06′E / 2.35°N 99.1°E / 2.35; 99.1. Iko adolah danau tagadang di Indonesia, juo danau vulkanik tagadang di dunia.^[1]

Danau Toba iolah tampek tajadinyo erupsi gadang gunuang barapi super nan kiro-kiro sagadang VEI 8 nan balaku labiah kurang 69,000 inggo 77,000 taun dulu,^[2][3][4] jo manjadi paristiwa nan maubah iklim dunia. Iko adolah erupsi nan tagadang di Bumi dalam wakatu 25 juta taun. Maikuik Teori Malapatako Toba, iko mambawo akibaik gadang buek populasi manusia: kajadian ko mambunuah ampia kasadonyo manusia nan iduik pado wakatu tu, jo dipicayoi iko juo mambuek sa kasampikan populasi (Inggirih: population bottleneck) di tangah Afrika timur jo India, nan mambawo akibaik pado bantuak genetik populasi manusia inggo wakatu kini.^[5]

Akikaik nan erupsi Toba mambawo pado sabuah musim dingin vulkanik nan sataruihnyo manjadian suhu dunia bakurang antaro 3 to 5 °C (5.4 to 9.0 °F), inggo 15 °C (27 °F) di latitud tinggi, lah ditarimo. Panilitian di Danau Malawi di Afrika Timur manunjuakan jumlah endapan abu dari Toba nan signifikan, tapi indak jo tando parubahan cuaco di Afrika Timur.^[6]

Kompleks kaldera Toba di Sumatra Utara dibantuak dek ampek kawah gunuang barapi tatindiah nan babatehan jo "barisan gunuang barapi" Sumatra. Kaldera nan paliang mudo jo nan kaampek marupoan kaldera Kuartener nan tagadang di dunia (100 by 30 km (62 by 19 mi)) jo maminteh katigo-tigo kaldera nan labiah tuo.

Labiah kurang 2,800 km³ (670 cu mi) barang piroklas dense-rock equivalent, (disabuik tuff) tamudo Toba, dilapehan wakatu latuihan gunuang barapi tagadang dalam sijarah geologi nan tadakek. Sudah erupsi iko, sabuah kubah timbua baliak dalam kaldera baru, jo manyambuang duo kubah separa nan dipisah dek sabuah terban (graben) longitudinal.^[3]

Sakurang-kurangnyo ampek kon, ampek gunuang barapi strato, jo tigo kawah dapek diliek di dalam danau. Kon Tandukbenua, nan talatak di bibia barat lauik kaldera anyo ado tumbuahan saketek—iko manunjuakan umua mudo sabanyaik babarapo ratuih taun sajo. Juo, gunuang barapi Pusubukit (1971 meter dari muko lauik), di bibia selatan kaldera, adolah solfatara aktif jo manjadi Cagar Alam Geologi.^[7][8]

Artikel utamo untuak bagian ko adolah: Teori Malapatako Toba

Latuihan Toba (Paristiwa Toba) balaku di apo nan kini disabuik Danau Toba kiro-kiro 75.000 ± 900 taun dulu.^[9] Iko marupoan erupsi taakia nan mambantuak ampek kaldera dilokasi iko, jo kaldera-kaldera lain tabantuak labiah kurang 788.000 ± 2.200 taun dulu.^[10] Latuihan taakia iko mampunyoi VEI=8, jo iko mambueknyo latuihan nan paliang gadang dalam wakatu 25 juta taun.

Pamandangan panorama Danau Toba

Kabanyakan urang nan tingga di sakaliliang Danau Toba adolah dari suku Batak. Rumah-rumah tradisional kaum Batak musaua dek bantuak atok-atoknyo nan tasandiri (malangkuang ka ateh, sarupo badan kapa) jo iasan nan bawarno-warni.^[11]

Flora danau tamasuak babarapo jinih fitoplankton, makrofita nan bangkik (emerged macrophyte), makrofita taapuang jo makrofita nan karam, samantaro kawasan sakaliliang pulo tadiri dari hutan hujan tamasuak kawasan lereng gunuang nan labiah tinggi di mano hutan pain tropika Sumatra tumbuh.^[12]

Fauna tamasuak babarapo spesies zooplankton jo binatang bentos. Dek sabauk danau iko jinih oligotrof, fauna ikan natif agak indak banyaik, jo jinih endemik nan tadapek adolah Rasbora tobana (sabananyo dakek endemik, sabauk juo ado di cawang atau anak sungai nan maalia ka dalam danau tasabuik,^[13] jo Neolissochilus thienemanni, nan disabuik dek panduduak satampek sabagai ikan Batak.^[14]

• 
  Gamba Danau Toba dari udaro
• 
  Pantai selatan Danau Toba, Pulau Sibandang dapek diliek di latar
• 
  Pamandangan danau jo contoh seni pambinaan Batak
• 
  Rumah tradisional kaum Batak di Ambarita, Danau Toba
• 
  Aia tajun Sipiso-Piso
• 
  Danau Toba dicaliak dari Kampuang Tongging, dakek Air Tajun Sipiso-Piso
• 
  Danau Toba tadapek pado pitih karateh 1,000-rupiah
• 
  Parincian ukiran di aluan sampan Batak Toba

• Rampino, Michael R. and Stephen Self (1993). "Climate-volcanism feedback and the Toba eruption of 74,000 Years Ago". Quaternary Research. 40 (3): 269–280. Bibcode:1993QuRes..40..269R. doi:10.1006/qres.1993.1081. 
• Vazquez, Jorge A. and Mary R. Reid (2004). "Probing the accumulation history of the voluminous Toba Magma". Science. 305 (5686): 991–994. Bibcode:2004Sci...305..991V. doi:10.1126/science.1096994. PMID 15310899. 
• Petraglia, M.; et al. (2007). "Middle Paleolithic Assemblages from the Indian Subcontinent Before and After the Toba Super-Eruption". Science. 317 (5834): 114–116. Bibcode:2007Sci...317..114P. doi:10.1126/science.1141564. PMID 17615356. 

Wikimedia Commons mampunyoi media nan bahubuangan jo Danau Toba

• Toba, Sumatra, Indonesia – Volcano.oregonstate.edu Accessed 11 December 2005
• Stanley H. Ambrose, Volcanic Winter, and Differentiation of Modern Humans Accessed 11 December 2005
• Joel Achenbach, Who Knew, National Geographic Accessed 11 December 2005
• (Lake Toba Ecosystem Management Plan) From laketoba.org Archived 2015-11-16 di Wayback Machine.