Stanley Kubrick

Quest articol chì l'è scrivud in lombard, con la Noeuva Ortografia Lombarda

El Stanley Kubrick (parnonziad /ˈkuːbrɪk/; New York, 26 de luj del 1928 - Childwickbury, 7 de marz del 1999) l'è stad on regista, produtor, scenarista e fotograf american. I sò film, che inn considerad in tra i pussee boni de tut i temp, quaten una gran quantità de gener e presenten una cinematografia inovativa, umorism negher, una atenzion realista ai detai e un design de set propi grand.

El Kubrick l'è vegnud su in del Bronx, quarter de la cità de New York, e l'ha frequentad la William Howard Taft High School dal 1941 al 1945. L'ha ciapad di valutazzion medie ma l'ha mostrad un gran interess per la leteradura, la fotografia e el cinena fin de sgiovin, e l'ha imparad deperlu a fà i film e la regia quand l'ha finid el licee. Dopo el lavora 'me fotograf per la rivista Look in tra la fin di agn '40 'l principi di agn '50, el scomincia a fà di curt a budget limitad, e al fà el sò prim film de Hollywood, The Killing, per United Artists in del 1956. Dopo l'ha fad du collaborazzion cont el Kirk Douglas: el film de guerra Paths of Glory (1957) e l'epopea storega Spartacus (1960).

Diferenze creative vegnude foeura cont el so lavorà cont el Douglas e i studi di film, el disprezzi per l'industria de Hollywood e una preocupazzion che la vegniva su per el crimìn in America l'han menad el Kubrick a fà San Michel in del Regn Unìd in del 1961, indove che l'ha passad la pupart del rest de la soa vita e de la soa carrera. La sò cà a Childwickbury Manor in Hertfordshire, che l'ha spartid con la mier Christiane, l'è diventada el sò sit de lavorà, indove che 'l scriveva, ricercava e desvilupava i detah de produzzion. Quella roba chi gh'ha permitud de havégh un controll artistegh squasi total in sui so film, ma cont el rari sostegn finanziari di studi pussee grand de Hollywood. I sò prime produzzion in Gran Bretagna inn stad du film cont el Peter Sellers: Lolita (1962), un adatament del romanz del Vladimir Nabokov, e la comedia negra a tema guerra freggia Dr. Stranamor (1964).

Un perfezzionista esigent, el Kubrick l'ha ciapad el control de la pupart del process de fà el film, de la regia a la scritura di copion al montagg, e l'ha fad una cura meticolosa de la ricerca per i sò film e i so scene, cont un lavorà in gran collaborazzion cont i so ator, lavorent e alter collaborator. Ghe domandava despess ai ator de fà la midema scena pussee de dodes voeulte, roba che l'ha menad a vari conflit cont el so cast. A dispet de la soa gran fama in tra i ator, i so film hann despess descovert di noeuv orizont in la filmografia: el realism scentifegh e i efet speciai innovativ de l'epich 2001: Odissea in del Spazzi (1968) gh'hann havud nissun precedent in la storia del cinema e gh'hann fad vincer el so unegh Oscar, per i efet speciai pussee boni. El Steven Spielberg l'ha ciamad el film el "big bang" de la soa generazzion e l'è considerad vun di film pussee bei mai fad.

Anca se vari film del Kubrick eren controvers e in principi regolt in manera messedada - in particolar el brutal Naranza Mecanega (1971), che 'l Kubrick l'ha tirad via de la circolazzion in del Regn Unid dopo che i mass media hann fad rebellot - la pupart di so film inn stad nombad per l'Oscar, i Golden Globes o i BAFTA Awards, e inn stad revalutad de la critega. Per el film del secol XVIII Barry Lyndon (1975), el Kubrick l'ha ciapad di lent desvilupad de la Zeiss per la NASA, inscì de podé filma con la lus natural di candile. Cont el film de l'orror The Shining (1980), a l'è deventad vun di prim regista a doperà una Steadicam per di registrazzion flude e stabil, una tecnologia propi importanta per el so film in su la Guera del Vietnam Full Metal Jacket (1987). El sò darrer film, Eyes Wide Shut, l'è stad fornid poch prima de la soa mòrt in del 1999, a l'età de 70 agn.

• Treccani

• Wikiquote el gh'ha dent citazzion de o su Stanley Kubrick
• Wikimedia Commons el gh'ha dent imagin o alter archivi su Stanley Kubrick