Tago

Quest articol chi l'è scrivuu in Koiné occidentala. La Koiné occidentala l'è pu accettada dai regoll de la lmo.wiki, donca l'articol l'è da nettà.

L'è ul fiümm püsse lünch e impurtaant de la Penìsula iberica.
Al vègn fö daj Montes Universales, in sül cunfin tra i regjun spagnöö de Araguna e Castija, al cjapa la direzziun òvest e al traversa tüta la regjun Castiglia-La Mancha bagnaant i citaa de Toledo, Aranjuez e Talavera de la Reina. Un quai chilometer dopu chest'ültima citaa al va deent in Estremadüra, in pruvincja de Caceres senza tucà dii citaa gross; dopu Alcantara al marca per una cinquantèna del chilometri ul cunfin Spagna - Purtugaal, dopu de che al va deent in teritòri purtughees fin a che al sa svöja in de l'Ucean Atlantich, dopu 1.038 km da l'inizzi, propi tacaa a Lisbona.

Sia in Spagna che in Purtugaal ul fiümm l'è duperaa cume fuunt de energìa; l'è sbaraa una desèna de vöölt in Spagna e trì in Purtugaal; tüti chi sbarameent chì ann creaa in del sò cuurs dii lach artificjaj.