Wensberg
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De Wensberg is 'ne berg en e veurmaolig gehuch bie Mofert, inne gemèndje Roerdale. De Wensberg ligk aan 't verlingdje vanne Waterstraot, d'n Hoesdiek (Huysdijk), net achtere Veurhaofsberg. Achtere Wensberg ligk 'ne bós, dae oetkump oppe camping. Juus t'n zuje struimp de Pötbaek (of Helderbaek) 't Vlaot in.
De Wensberg, dae inne vouksmóndj ouch waal de Galgeberg wuuertj geneump haet oetzich op ane Kalderhäöf, de Koele en, anen angere kantj van 't Vlaot, de Koewei (e deil van Ieësele). Veur dit oetzich te höbbe, mót me aevel waal gans oppe berg gaon, went vanoete waeg kan me nieks zeen, doordet aan beidskantje daovan hoeag buim en toe begreujing staon.
De Wensberg besteit allewiel nag mer oet einen haof. De berg zelf is gans begreujdj mit kroed en haet vreuger deensgedaon es de galgeberg veur 't kestieël.
Luuj van Mofert zeen de Wensberg neet es 'n apaarte plaats, meh gewuuen es 'n óngerdeil van 't dörp in 't boetegebied. Op aaj kaarte wuuertj de Wensberg aevel waal ummer es 'n apaart gehuch vermeldj.
| |
|---|---|
| Dörper: Berg · Ètsberg · Hèrkebósj · Lerop · Melik · Mofert · Paalder · Postert · 't Räötje · Vlorp | |
| Gehuchte en buurtsjappe: Aan 't Brook · Ane Berg · Annedaol · De Berg · De Borg · De Donk · De Hols · De Varsj · De Watersjei · Mienwaeg · Oppe Roskam · Reutebàk · Tösje de Brögke · Varsjerveld · Vlorp-Stasie · 't Zittert | |
| Angers: De Berg · Reewoude · Wensberg | |