Postert
Dit artikel is gesjreve (of begós) in 't Posters. Laes hie wie v'r mit de versjillende saorte Limburgs ómgaon.
Postert (Nederlands: Posterholt) is ein dörp in de gemènde Roerdale (Roerdalen) in Nederlands-Limburg.
Postert is ontsjtange es lintjdörp aan 't Vlaot (Nederlands: Vlootbeek), wodoer 't 'n lingde van óngeveer 4 kilomaeter haet. Bezeenswaerdig is 't landjhoes Aerwinkel, ontworpe doer Pierre Cuypers. Postert lik oppe doergaonde waeg van Remunj nao Hinsberg. Ten wèste lik 't gehuch 't Räötsje, ten noordooste lik Vlórp, ten zuudooste, in Duitsland, lik Kerke (Duits: Karken). In 't noordweste lik Berg, wat door nuujboew lanksaam aan nao Postert toe aan 't greuje is.
Postert waas toet 1991 'n zelfsjtenjige gemènde. In dèt jaor ging 't mit Berg en Mofert op in 'n nuuj gemènde die eers nog Postert hoot mér nao 1994 Amb Mofert. Vanaaf 2007 is Postert óngerdeil van 'n nuuj gemènde Roerdale wo-in aaj-Amb Mofert en aaj-Roerdale zeen gefuseerd.
Biej Postert heure de volgende buurtsjappe:
't Zudelikste deil van Postert neump me De Winkel.
Dialek
[bewirk | brón bewèrke]'t Dialek van Postert ('t Posters) is besjreve in 't Posters Waordebook (2005; auteur Dr. Henk Kars).
- Dichteres in 't Posters: Toos Schoenmakers-Visschers
| |
|---|---|
| Dörper: Berg · Ètsberg · Hèrkebósj · Lerop · Melik · Mofert · Paalder · Postert · 't Räötje · Vlorp | |
| Gehuchte en buurtsjappe: Aan 't Brook · Ane Berg · Annedaol · De Berg · De Borg · De Donk · De Hols · De Varsj · De Watersjei · Mienwaeg · Oppe Roskam · Reutebàk · Tösje de Brögke · Varsjerveld · Vlorp-Stasie · 't Zittert | |
| Angers: De Berg · Reewoude · Wensberg | |