Sjrifsysteem
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
E sjrifsysteem of sjrif is e systeem van grafische teikes veur infermaasje vas te lègke. De aadste sjriften hawwen e hiërogliefechtig karakter, det wil zègke det veur eder waord of begrip 'n apaart teike besting. 't Naodeil van zoea systeem is det hieël väöl teikes nuuedig zeen, wodoor 't behieërsje daovan hieël lestig wuuertj. Later zeen anger saorten aan sjriften óntstange, mit naam fonetisch (alfabet), wobie eder teike 'ne klank veurstèltj in plaats e waord. Zoea kós 't aantaal aan benuuedigdje teikes drastisch waere trögkgebrach van doezjendje toet tieëntaal. Es tösjevorm waere de littergreepsjrifter gezeen, wobie eder teike veur 'ne bepaoldje littergreep steitj.