Kaze
- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Bungs, es te dit dialek sjpriks.
Kaze (Nederlands: Kasen) ies 'n buurtsjap van Bung in de gemeinte Meersje in Nederlands Limburg. Vreuger name zint: Caswijn (1409), Kasel (1535), Cassem (1569) en Cosel in 1841. Dao wone 266 luuj. De Romeinse waeg nao Nijmege, dae ziech tösje Meersje en Bung vertakde van de weeg Mestreech - Kölle leep euver Kaze.
Op de Loch zin in de jaore 90 van de 19e ièw Romeinse munte opgegrave. In 1899 krieg 't hoag liegkende gehuch 'n waterpöt, die tot 1933, es de waterleiding weurt aangelag, gebruuk weurt. In 1977 weurt 't pöthuuske gerestaureerd.
Tösje de lintbeboewing bevingk ziech 'n baksjteine baekapel en 'n sjmeediezere waegkruus. Boete de beboewing, vlak bie de autobaan A2, liek 'ne groate baksjteine gesjlote haof. Tege ein van de moere ies 'n kapelke geboewd.
| |
|---|---|
| Dörper: Meersje · Bung · Gäöl · Gäöl-aan-de-Maas · Mwórveld · Raotem · Ulesjtraote | |
| Buurtsjappe en gehuchte: Brómmele · Brookhaove · Genzon · 't Grwat-Brook · Grwat Bergem · Humkove · De Husjeberg · Kaze · 't Klei-Brook · Klein Bergem · Meersje-Wes · Raor · Sjietekove · Sniedersberg · 't Sjtómmeveldsje · Vliek · 't Voelwames · Waert · Waterval | |