[go: up one dir, main page]
Naar inhoud springen

Forum voor Democratie

Van Wikipedia

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

Logo van 't FVD

Forum voor Democratie (FVD) is 'n Nederlandse rechs-nationalistische en eurosceptische politieke partie. FVD woeëd in 2015 ópgerich es denktank durch Thierry Baudet en Henk Otten en woar actief teëgesjtander tiedes 't Oekraïnereferendum. Óp d'r ieësjte september 2016 woeëd de partie ópgerich, zoeëwie me höar noe kint. Noa höar óprichting hat de partie te make gehad mit mieëder intern conflikte, oeëbei lede oet de partie sjtapde of woeëde gezat, mit aafsjplitsinge tot gevolg. E aantal vuurbilder zint Groep Otten, JA21, Belang van Nederland en de fractie-Frentrop.

De partei hat in 2023 61.284 lede. D'r fractievuurzitter is Thierry Baudet.

Sjtankpunte

[bewirk | brón bewèrke]

FVD is in ikkenomisj ópzich 'n neo-liberaal partie. Ze pleit vuur 'n klinger uueverheed, minder regulering en mieë besjerming van nationaal bedrieve. Zie is vuursjtander van 'n direkte democratie en e zakekabinet en vuur de iveuring van bindende referenda, volksinitiateve, 'ne gekoze burgemeester en 'ne direk gekoze minister-prizzedent. Ze wilt de Nederlandse soevereniteet versjtevige durch e bindend referendum uuever 't oettreëne oet de Europese Unie.

FVD is vuursjtander van e sjtrenger immigratiebeleid, zjwoar sjtroave en 'n verhuueging van 't defensiebudget noa 2% van 't BBP noa de NAVO-norm.

Ze velt ooch óp durch höar klimaatscepticisme en ze óntkent d'r wetesjappelige consensus uuever de gevolge va klimaatverangering.

Verkezingsrizzeltate

[bewirk | brón bewèrke]

Bei de Twieëde Kamerverkezinge van 2021 holde 't FVD 8 zedele. De groeëtste uueverwinning tot noe touw woar bei de verkezinge vuur de Provinciaal Sjtate van 2019. In versjeie provincies woeëde ze de groeëtste fractie. Umdat de Provinciaal Sjtate ja ooch de Ieësjte Kamer keze, hold de partie 12 zedele. Doanoa noom 't electoraal sukses behuurlig aaf, ónger mieë durch de intern conflikte.

Twieëde Kamer

[bewirk | brón bewèrke]
Joar Liestrekker Sjtumme % Zedele
2017 Thierry Baudet 187.162 1,78 2 / 150
2021 Thierry Baudet 523.083 5,02 8 / 150
2023 Thierry Baudet 232.963 2,23 3 / 150

Ieësjte Kamer

[bewirk | brón bewèrke]
Joar Liestrekker Sjtumme % Zedele
2019 Henk Otten 27.473 15,87 12 / 75
2023 Johan Dessing 4.866 2,72 2 / 75

Europees parlement

[bewirk | brón bewèrke]
Joar Liestrekker Sjtumme % Zedele
2019 Derk Jan Eppink 602.507 10,96 3 / 26

Noa d'r Brexit kreeg FVD 'ne extra zedel: 4 / 29.

Provinciaal Sjtate

[bewirk | brón bewèrke]
Provincie Zedele i 2019 Zedele i 2023
Groninge 5 / 43 1 / 43
Friesland 6 / 43 1 / 43
Drenthe 6 / 43 1 / 43
Uueveriessel 6 / 47 1 / 47
Flevoland 8 / 41 2 / 41
Gelderland 8 / 55 1 / 55
Utrech 6 / 49 1 / 49
Noord-Holland 9 / 55 2 / 55
Zuud-Holland 11 / 55 2 / 55
Zieëland 5 / 39 1 / 39
Noord-Broabant 9 / 55 1 / 55
Hollendsj Limburg 7 / 47 1 / 47
Nederland 86 / 570 15 / 572
[bewirk | brón bewèrke]
Politieke partieë in Nederlandj

50+ (50PLUS) — BBB (BoerBurgerBeweging) — BIJ1 — CDA (Christen-Democratisch Appèl) — CU (ChristenUnie) — D66 (Democraten 66) — DENK — FVD (Forum voor Democratie) — GL (GroenLinks) — JA21 (Juiste Antwoord 21) — NSC (Nieuw Sociaal Contract) — OPNL (Onafhankelijke Politiek Nederland) — PvdA (Partij van de Arbeid) — PvdD (Partij voor de Dieren) — PVV (Partij voor de Vrijheid) — SGP (Staatkundig Gereformeerde Partij) — SP (Socialistische Partij) — Volt (Volt Nederland) — VVD (Volkspartij voor Vrijheid en Democratie)

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Forum_voor_Democratie&oldid=478015"