Uganda
| Republica de Uganda Republic of Uganda Jamhuri ya Uganda | |||
|
| ||
| |||
| Informa jeneral | |||
| Capital: | Kampala | ||
| Lingua ofisial: | Engles e luganda | ||
| Dirije | |||
| Governa: | |||
| - Xef de stato: | Yoweri Museveni | ||
| - Xef de governa: | Robinah Nabbanja | ||
| Otras | |||
| Area: | km² | ||
| Popla: | |||
| Densia: | |||
| PIB: | |||
| Mone: | |||
| Zona de ora: | |||
| Numero de telefon: | |||
| Interede: | |||
Uganda (ofisial la Republica de Uganda) es un pais sin costa en Africa este. Lo es bordada a la este par Cenia, a la norde par Sudan Sude, a la ueste par la Republica Democrata de Congo, a la sude-ueste par Ruanda, e a la sude par Tanzania. La parte sude de la pais inclui un parte grande de Lago Victoria, cual es compartida con Cenia e Tanzania. Uganda es en la rejion de la Lagos Grande African. Uganda es ance en la basin de la Rio Nilo, e ave un clima ecuatoral variada.
Uganda prende sua nom de la rena Buganda, cual inclui un parte grande de la sude de la pais, incluinte la capital Kampala. La popla de Uganda ia es xasores-coliores asta entre 1700 e 2300 anios ante aora, cuando poplas de linguas bantu ia migra a la partes sude de la pais.
Comensante en 1894, la rejion ia es renada como un protejeda par la briteses, ci ia institui un lege dirijal tra la teritorio. Uganda ia gania autonomia de Britan a 9 otobre 1962. La tempo seguente ia es marcada par geras de ves a ves, incluinte un gera interna longa contra la Armada de Resiste de la Senior en la Rejion Norde, cual ia mata sentos de miles de persones.
La linguas ofisial es engles e suahili, an si "cualce otra lingua pote es usada como un media de instrui en scolas o otra instituidas educal o per intendes leginte, dirijal o judal como pote es prescriveda par la lege." Luganda, un lingua sentral, es vasta parlada tra la pais, e alga otra linguas es ance parlada, incluinnte runioro, runiancole, ruciga e luo.
La presidente de Uganda es Yoweri Museveni, ci ia emprende sua posto en janero 1986 pos un gera de gerilias de ses anios.
La area es sirca 236 040 cilometres cuadrida. La cuantia de abitores, en la anio 2007, ia es sirca 30 262 610 persones.
