NGC 4151
 | |
| Stärebild | Canes Venatici (CVn) |
|---|---|
| Positioun fir d'Equinoxe J2000.0 | |
| Rektaszensioun | 12h 10m 32.6s |
| Deklinatioun | + 39° 24' 20.6" |
| Ausgesinn | |
| Hubble-Sequenz | (R')SAB(rs)ab: Sy1.5 |
| Visuell Magnitude | 10,3 mag mag |
| Visuell Magnitude (B-Band) | 11,1 mag mag |
| Wénkelduerchmiesser | 6,3′ × 4,5′ |
| Flächenhellegkeet mag/arcmin² | 13,8 |
| Physikalesch Donnéeën | |
| Distanz (Lj) | 62 Mio Lj |
| Routverrécklung | (+3319 ± 10) ∙ 10-6 |
| Radialvitess | (+995 ± 3) |
| Geschicht | |
| Entdecker | Wilhelm Herschel |
| Entdeckungsdatum | 17. Mäerz 1787 |
| Katalog- an Entdeckerbezeechnungen | |
| GC | 2756 |
| h | 1111 |
| H | 1.165 |
| KUG | 1208+396A |
| MCG | +7-25-44 |
| NGC | 4151 |
| PGC | 38739 |
| UGC | 7166 |
| ZWG | 215.45 |
Den NGC 4151 ass eng Balkespiralgalaxie vum Typ SBab a läit am Stärebild Canes Venatici. D'Galaxie huet eng Wénkelausdeenung vu 6,3' × 4,5' an eng visuell Magnitude vun 10,3 mag. Si gouf de 17. Mäerz 1787 vum Astronom Wilhelm Herschel entdeckt.
D'Spiralgalaxie NGC 4151 ass 62 Millioune Liichtjoer vun eis ewech. Dat ass d'Resultat vun enger neier Miessmethod, déi vu Fuerscher aus Dänemark, Groussbritannien a Japan entwéckelt gouf. D'Team huet e Stëbsrank benotzt fir dat supermassiivt Schwaarzt Lach am Zentrum vum NGC 4151 prezis ze bestëmmen. Déi nei Method kéint an Zukunft nei a méi genee Vermiessungen am Weltraum erméiglechen.
Dat Schwaarzt Lach am Zentrum vum NGC 4151 ass aktiv, et fält also Matière dran, hëtzt sech dobäi op a sent dann ënner anerem energieräich ultraviolett Stralung aus. Déi UV-Stralung erwäermt e Rank aus Stëbs, deen duerch d'Opwiermung am Infraroutberäich opliicht. Den Trick vum Sebastian Hönig vun der brittescher University of Southampton a senge Kolleegen: D'Fuerscher hunn déi zäitlech Differenz gemooss, mat där Stralungsschwankungen am UV- an am Infraroutberäich optrieden. Déi dauert 30 Deeg – déi ultraviolett Stralung brauch also 30 Deeg, fir vum Schwaarze Lach bis an de Stëbsrank ze kommen. Mat der bekannter Ausbreedungsvitesse vun der Stralung – der Liichtvitess – ergëtt sech doraus de reale Radius vum Stëbsrank.
Mat Hëllef vun héichopléisenden interferometreschen Observatioune mat de béiden zéng Meter grousse Keck-Observatoiren op Hawaii konnt d'Team ausserdeem de Wénkelduerchmiesser vum Stëbsrank moossen: Hien ass 12 Milliounstel Grad grouss. Mat deem aus der zäitlecher Differenz bestëmmte Radius ergëtt sech doraus da mat Hëllef vun einfacher Trigonometrie d'Distanz vum Himmelsobjet. (Stand: Dezember 2014)
Kuckt och
[änneren | Quelltext änneren]
Um Spaweck
[änneren | Quelltext änneren]| Commons: NGC 4151 – Biller, Videoen oder Audiodateien |
