Dorsum (Planetologie)

Dorsa am Mare Serenitatis. Déi flaach, laanggestreckte rompeleg Récker an de Maria vum Mound ginn no hirem Virkommen och Mierréck genannt.

Dorsum (Plural Dorsa, aus lat. Dorsum = Réck) ass e Begrëff vun der Astrogeologie fir d'Bezeechnung vun Uewerflächestrukture vu Planéiten, Mounden oder Asteroiden. E bezeechent héich réckaarteg Strukturen, ass awer keen eigentlechen astrogeologesche Begrëff, dat heescht, e seet näischt iwwer d'Genesis vun där sou bezeechenter Struktur aus. E bekannt Beispill ass de Schiaparelli Dorsum um Mars.^[1]

Benennungen

Fir d'Benennung vun Dorsa gëtt et follgend Konventioune vun der IAU:^[2]

Merkur: Verstuerwe Wëssenschaftler, déi zu der Merkurfuerschung bäigedroen hunn
Venus: Himmelsgëtter
Äerdmound: Geowëssenschaftler; kuckt Lëscht vu Bierger um Äerdmound
Mars: Keng eenheetlech Benennungsmethod
Asteroiden
- (243) Ida: Mataarbechter vum Galileo Projet
- (433) Eros: Wëssenschaftler, déi zu der Erfuerschung vum Eros bäigedroen hunn
- (4) Vesta: Wëssenschaftler, déi zu der Erfuerschung vun der Vesta bäigedroen hunn

Referenzen

↑ Ian Ridpath: A Dictionary of astronomy. Oxford University Press, Oxford 2007, ISBN 0-19-921493-X
↑ IAU: Categories for Naming Features on Planets and Satellites. In: Gazetteer of Planetary Nomenclature.

Kuckt och

Portal Astronomie

[1] Ian Ridpath: A Dictionary of astronomy. Oxford University Press, Oxford 2007, ISBN 0-19-921493-X

[2] IAU: Categories for Naming Features on Planets and Satellites. In: Gazetteer of Planetary Nomenclature.

[1]

[2]