Gare Kautebaach

Gare Kautebaach
Streck	1, 1b
PK	62,021 (Linn 1) 0,00 (Linn 1b)
Quaien	2
Gleiser	4
Uertschaft	Kautebaach
Gemeng	Kiischpelt
Kanton	Wolz
Koordinaten	49° 56’ 54’’ N       06° 01’ 20’’ O
Websäit	CFL.lu

D'Gare vu Kautebaach ass eng Gare op der CFL-Streck 1, der sougenannter Nordstreck, tëscht der Gare Giewelsmillen an der Gare Wëlwerwolz, respektiv der Gare Mäerkels, vun der Lëtzebuerger Eisebunn.

D'Nordstreck féiert vu Lëtzebuerg bis op Ëlwen an da weider an d'Belsch, wou se vu Gouvy un, Kontakt mat der belscher Linn 42 (Rivage-Gouvy) huet. Eng Antenn geet vun Ettelbréck op Dikrech an eng weider Antenn zweigt zu Kautebaach of a féiert bis op Wolz.

D'Gare Kautebaach huet e gratis Park & Rail-Parking a speziell Parkplaze fir Leit mat reduzéierter Mobilitéit. Et ass och eng Bus-Gare do.

D'Gebai vun der Kautebaacher Gare gouf 1888 vun de Reichseisenbahnen in Elsaß-Lothringen gebaut. Seng Architektur vereenegt zwéi verschidde Stiler, dee vun engem Schwäizer Chalet an dee vun engem italieenesche Landhaus, wouduerch et eigentlech net zu engem traditionellen Duerfcharakter passt. Dësen Effekt war awer vun den éischte Bauhären erwënscht a sollt e Symbol si fir d'Frëndschaft an d'Begéinung vun de Vëlker.

• Jean-Claude Schumacher: Monuments historiques de l'industrie luxembourgeoise - Denkmäler Luxemburger Industriekulltur, Service des sites et monuments nationaux, 1997, 143 S., ISBN 2-919883-00-3 (D'Gare vu Kautebaach: S. 122-123)

• Lëscht vun den CFL-Garen

Commons: Gare Kautebaach – Biller, Videoen oder Audiodateien

• Praktesch Informatiounen iwwer d'Gare Kautebaach op der CFL-Websäit (de)
• D'Gare Kautebaach op der Websäit "rail.lu"
• D'Gare Kautebaach op der Websäit Spoorgroep Luxemburg