Gare Ettelbréck
 |
De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen. |
| |||||
|---|---|---|---|---|---|
 | |||||
| Streck | 1, 1a, 2b | ||||
| PK | 47,184 (Linn 1) 0,00 (Linn 1a) 52,153 (Linn 2b) | ||||
| Quaien | 3 | ||||
| Gleiser | 3 (+7 Ofstellgl.) | ||||
| Uertschaft | Ettelbréck | ||||
| Gemeng | Ettelbréck | ||||
| Kanton | Dikrech | ||||
| Koordinaten | 49° 50’ 50’’ N 6° 06’ 24’’ O | ||||
| Websäit | CFL.lu | ||||
 | |||||
D'Gare vun Ettelbréck ass eng Gare op der CFL-Streck 1, der sougenannter Nordstreck, tëscht der Gare Schieren an der Gare Méchela, respektiv der Gare Dikrech, vun der Lëtzebuerger Eisebunn.
D'Nordstreck féiert vu Lëtzebuerg bis op Ëlwen an da weider an d'Belsch, wou se vu Gouvy un, Kontakt mat der belscher Linn 42 (Rivage-Gouvy) huet. Eng Antenn geet vun Ettelbréck op Dikrech an eng weider Antenn zweigt zu Kautebaach of a féiert bis op Wolz.
Bis den 23. September 1967, wéi d'Atertlinn zougemaach gouf, war d'Gare vun Ettelbréck Terminus vun där Streck, a blouf dat dunn och fir de Rescht vun der Streck op där, ënner der haiteger Bezeechnung Linn 2b, Gidderzich op Colmer-Bierg an op Biissen (Neelfabréck) fueren.
Am November 2020 waren d'Bauaarbechte fir en 3. Quai fäerdeg[1]. Fir dat ze maache goufen e puer Gleiser ewechgerappt an anerer frësch verluecht.
D'Gare Ettelbréck huet 3 gratis Park & Rail-Parkinge mat 217 Parkplazen a speziell Parkplaze fir Leit mat reduzéierter Mobilitéit. Vun 2024 un, (Stand: Nov. 2020) soll en neie Park-and-Ride-Parking zousätzlech Plaze bidden.[1]
Op de Quai 2 (Gleiser 1 an 3) féiert nëmmen eng Ënnerféierung mat Trapen, op déi Manéier ass d'Gare net fir Leit mat Rullstill ageriicht.
Eng nei Gare fir Ettelbréck
[änneren | Quelltext änneren]Dat éischt Garë-Gebai war vun 1862.
Den 9. Dezember 2014 huet d'Chamber mat 57 Jo- an 3 Nee-Stëmmen e Gesetz gestëmmt, dat et erlaabt, en neit Gare-Gebai, mat dobäi enger neier Busgare, nei Quaien, engem Park&Ride mat 430 Plazen, an enger neier Stroossenënnerféierung ze bauen. D'Aarbechte sollen 2015/2016 ufänken a 5 Joer daueren. De Käschtepunkt läit bei 156,5 Milliounen Euro.[2]
D'Geneemegung fir d'Ofrappe gouf den 20. Abrëll 2021 vum Ettelbrécker Buergermeeschter ausgestallt. En ettlech Leit, an d'Asbl Ettelbréck 21, hunn dergéint protestéiert, datt dat aalt Gebai verschwanne misst. D'Ofrappaarbechte hätte sollen am Oktober 2021 ufänken[3],[2], schlussendlech war dat Enn Mäerz 2022 de Fall.[4]
Zich déi an der Gare halen
[änneren | Quelltext änneren]| Aus Richtung | Halt virdrun | Zuch | Nächst Halt | A Richtung | ||
|---|---|---|---|---|---|---|
| Lëtzebuerg | Schieren | RB CFL-Linn 10 |
Dikrech | Dikrech | ||
| Lëtzebuerg | Miersch | RE CFL-Linn 10 |
Méchela | Ëlwen oder Gouvy | ||
| Lëtzebuerg | Miersch | IC CFL-Linn 10 |
Méchela | Ëlwen / Liers | ||
Biller
[änneren | Quelltext änneren]-
Dat aalt Garegebai mam iwwerdaachte Quai, vun der Bunn aus gekuckt
-
De Waarderaum an der aler Gare mat – hanne riets – déi fréier Guicheten
-
En anticke Lavabo um Quai
-
Um nei gebaute Quai 2, a Richtung Dikrech gekuckt
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Gare Ettelbréck – Biller, Videoen oder Audiodateien |
- Praktesch Informatiounen iwwer d'Gare Ettelbréck op der CFL-Websäit (de)
- D'Gare Ettelbréck op der Websäit "rail.lu"
- D'Gare Ettelbréck op der Websäit vu Spoorgroep Luxemburg
Referenzen
[Quelltext änneren]- ↑ 1,0 1,1 "Drëtte Quai zu Ettelbréck ka vun elo un ugefuer ginn." rtl.lu, 09.11.2020 11:21.
- ↑ 2,0 2,1 "Chamber decidéiert: Ettelbréck kritt eng ganz nei Gare." rtl.lu, leschten Update: 09.12.2014, 18:07:10.
- ↑ Marc Hoscheid, Demo gegen Demolierung, Luxemburger Wort,
- ↑ "Ettelbrécker Gare: Aalt Gebai vun der Gare gëtt zanter e Méindeg ofgerappt." rtl.lu, 28.03.2022.