Iudaea (regio)

Vide etiam paginam discretivam: Iudaea.

Collis fertilis prope Moshav Zafririm (Israël).

Iudaea^[1] (Hebraice יהודה; Graece Ἰουδαία) est montuosa Levantis regio, cuius in medio Hierosolyma urbs iacet. His diebus inter Palaestinam et Israël dividitur.

Etymologia

Iudaea est forma Graeca sive Latina nominis "Iudas" (Hebraice ‏יהודה), qui fuit unus e duodecim filius Iacobi patriarchae. Tribus Iudae sedes in Terra Israël collocans partem terrae meridianam homonymam occupavit. Nomen in Regnum Iudae a Davide, rege Israel, conditum transiit. Nimrud tabula K.3751 ex anno 733 a.C.n. est antiquissimum nominis testimonium (litteris cuneiformis scriptum "Yaudaya" vel KUR.ia-ú-da-a-a).

Nomen etiam a Babyloniis et Persis adhibitum est ad provinciam denotandam, quae in regione pristini Regni Iudae constituta est (provincia "Yehud"), similiter postea etiam ab Hasmonaeis (Ἰουδαία) et Romanis (provinica Iudaea). A Hasmonaeis et Romanis nomen quidem in terras pristina Iudaea latiores translatum est. Anno 132 a.C.n. provincia Romana Iudaea cum Galilaea in provinciam Syiriam Palaestinam coniuncta est.

Tempus novissimum

Dimidia parte saeculi 20 usque ad annum 1948, dum Britanniarum regnum Palaestinam administrat, interior territorii collina pars Iudaea appellata est. Ex anno 1948 Israël re publica sui iuris facta Palaestiniaque divisa maxima regionis pars Iudaeae ad Cisiordaniam pertinet. Regimen civitatis Israël Cisiordaniam "Regionem Iudaeae Samariaeque" nuncupat.^[2]

Geographia

Iudaea est regio montuosa et partim deserta, quae et altitudine et praecipitatione maxime variat: Cum Mons Hebron in meridie regionis 30 chiliometra ab Hierosolymis distans ad 1020 m surgat, altitudo in orientali parte usque ad 400 m sub maris aequore redit. In Iudaea media circa Hierosolyma 600 mm pluit, in collibus occidentalibus et in plagis ab Hierosolymis in orientem versus fere 400–500 mm, in partibus regionis autem orientalibus, in sic dictis Desertis Iudaeis, quia sunt in latere a ventis averso (id est in umbra pluviometrica), tantum 100 mm.

Urbes maiores sunt Hierosolyma, Bethleem, Gush Etzion, Hiericus, Hebron et Flavia Neapolis.

Olim colles silvis vestiti erant; Biblia ibi agros et oves fuisse narrat. Primo bello Iudaico arbores caesae et terrae late devastatae sunt. Animalia autem etiam his diebus pastum eunt.

Mons Hazor confinium inter Samariam in septentriones et Iudaem in meridiem versus est.

Notae

↑ Mt 3,1: In diebus autem illis venit Ioannes Baptista praedicans in deserto Iudaeae.
↑ [1] Philogus, This Side of the River Jordan (Forward 2010).

Bibliographia

Bernett, Monika (2007). Der Kaiserkult in Judäa unter den Herodiern und Römern. Untersuchungen zur politischen und religiösen Geschichte Judäas von 30 v. bis 66 n. Chr. (= Wissenschaftliche Untersuchungen zum Neuen Testament. Vol. 203). Mohr Siebeck: Tubingae. ISBN 978-3-16-148446-9.
Eck, Werner (2007). Rom und Judaea. Fünf Vorträge zur römischen Herrschaft in Palästina (= Tria corda. Jenaer Vorlesungen zu Judentum, Antike und Christentum. Vol. 2). Mohr Siebeck: Tubingae. ISBN 978-3-16-149460-4.
Pixner, Bargil (1996). Wege des Messias und Stätten der Urkirche (= Studien zur biblischen Archäologie und Zeitgeschichte. Vol. 2). Brunnen-Verlag: Gießen. ISBN 3-7655-9802-X.

Nexus externi

Vicimedia Communia plura habent quae ad Iudaeam spectant.

Vicimedia Communia plura habent quae ad Deserta Iudaea spectant (Judean Desert, Judea).

Judea in: Catholic Encyclopedia (Anglice)
Judaea in: Encyclopaedia Britannica (Anglice)

[1] Mt 3,1: In diebus autem illis venit Ioannes Baptista praedicans in deserto Iudaeae.

[2] [1] Philogus, This Side of the River Jordan (Forward 2010).

[1]

[2]